கூட்டுறவு சங்கம் மூலம் காப்பீட்டுத் தொகை அளிப்பு

வேதாரண்யம் பணியாளர்கள் கூட்டுறவு சங்கத்தின் மூலம் சுகாதாரத் துறையில் பணியாற்றி காலமான பணியாளர் ஒருவரது குடும்பத்துக்கு ரூ. 1 லட்சம் காப்பீட்டுத் தொகையாக திங்கள்கிழமை வழங்கப்பட்டது. 
தலைஞாயிறு அரசு ஆரம்ப சுகாதார நிலையத்தில் சுகாதாரப் பணியாளராக பணியாற்றிய கு. கந்தசாமி அண்மையில் காலமானார். இவர், உறுப்பினாரக அங்கம் வகித்து வந்த வேதாரண்யம் வட்ட அரசுப் பணியாளர்கள் கூட்டுறவு சிக்கனம் மற்றும் கடன் சங்கம் மூலம் நிர்வகிக்கப்பட்ட எஸ்.பி.ஐ ஆயுள் காப்பீட்டுத் தொகையாக ரூ.1 லட்சம் வழங்கப்பட்டது. இதற்கான காசோலையை இறந்தவரின் மகன் கே. சுகுமாறனிடம் கூட்டுறவு சங்கத் தலைவர் நா. வேதமூர்த்தி வழங்கினார். அப்போது, துணைத் தலைவர் ஆர். வைத்தியநாதன், செயலாளர் தி. பாலசுப்பிரமணியன் உள்ளிட்டோர் உடனிருந்தனர்.