தலைமை ஆசிரியருக்கு கல்வி பாரதி விருது

நாகை மாவட்டம், தரங்கம்பாடி பிஷப் ஜான்சன் நினைவு மேல்நிலைப்பள்ளி தலைமை ஆசிரியர் ஜான் சைமனுக்கு கல்வி பாரதி விருது அண்மையில் வழங்கப்பட்டது. 
பட்டுக்கோட்டையில் பன்னாட்டு அரிமா சங்கம் சங்கம் சார்பில் நடைபெற்ற ஆசிரியர் தின விழாவுக்கு அரிமா சங்கத்தின் ஆளுநர் ஷேக் தாவூத் தலைமை வகித்தார். மாவட்டத் தலைவர் எஸ்.வி.எஸ். செல்வம் முன்னிலை வகித்தார். 
நடிகை கஸ்தூரி சிறப்பு விருந்தினராகக் கலந்துகொண்டார். இவ்விழாவில், தரங்கம்பாடி பிஷப் ஜான்சன் நினைவு மேல்நிலைப்பள்ளி தலைமை ஆசிரியர் ஜான் சைமனின் சேவையைப் பாராட்டி, கல்வி பாரதி விருது வழங்கப்பட்டது. நிகழ்ச்சியில், பட்டிமன்றப் பேச்சாளர் ஷேசாத்திரி உள்ளிட்டோர் பங்கேற்றனர்.