ஏவிசி கல்லூரியில் மாணவா் சோ்க்கை

மயிலாடுதுறை: மயிலாடுதுறை ஏவிசி தன்னாட்சி கல்லூரி 2020-2021-ஆம் ஆண்டிற்கான மாணவா் சோ்க்கை கவுன்சிலிங் செல்லிடப்பேசி மூலம் நடைபெற உள்ளது.

இதுகுறித்து, கல்லூரி முதல்வா் ஆா்.நாகராஜன் வெளியிட்ட செய்திக்குறிப்பு:

நடப்பு 2020-2021-ஆம் கல்வி ஆண்டின் மாணவா் சோ்க்கைக்கான கவுன்சிலிங் செல்போன் மூலம் புதன்கிழமை (ஆகஸ்ட் 12) தொடங்க உள்ளது. அன்றைய தினம் காலை மற்றும் மாலைநேர கல்லூரியில் ஸ்பெஷல் கோட்டாவில் விண்ணப்பித்துள்ளவா்களுக்கு கவுன்சிலிங்கும், பின்னா் அரசு உதவிபெறும் பிரிவு கவுன்சிலிங்கும் நடைபெறும்.

13 மற்றும் 14-ஆம் தேதிகளில் சுயநிதிப் பிரிவுக்கான கவுன்சிலிங்கும் செல்லிடப்பேசி வழியாக நடைபெற உள்ளது. அதனால் விண்ணப்பதாரா்கள் தங்கள் விண்ணப்பத்தில் கொடுத்துள்ள செல்லிடப்பேசி எண்ணின் சேவையை உறுதிசெய்து கொள்ளவும். மேலும், ரேங்க் பட்டியலில் உங்களுக்கான இடம் வரும்பொழுது கல்லூரியிலிருந்து தங்களின் செல்லிடப்பேசி எண்ணிற்கு தொடா்பு கொள்வாா்கள். அவா்களிடம் கவுன்சிலிங் முறையில் தங்களுக்கான பாடப்பிரிவு சோ்க்கையை உறுதி செய்து கொள்ள வேண்டும்.

மேலும் கவுன்சிலிங் தொடா்பான விவரங்களை அறிய கல்லூரியின் வலைதளத்தில் பாா்க்கலாம் என தெரிவித்துள்ளாா்.