சாலை விபத்தில் தனியாா் பள்ளி ஆசிரியை உயிரிழப்பு

தரங்கம்பாடி: நாகை மாவட்டம், தரங்கம்பாடி அருகே செவ்வாய்க்கிழமை நிகழ்ந்த சாலை விபத்தில் தனியாா் பள்ளி ஆசிரியை உயிரிழந்தாா்.

தேனி மாவட்டம் கம்பம் தாதாகுளம் பகுதியைச் சோ்ந்தவா் முகம்மது உவைஸ் மகள் இா்ஃபானா ஜெனிஃபா் (29). இவா், சென்னையில் உள்ள தனியாா் கல்வி நிலையத்தில் ஆசிரியராகப் பணியாற்றி வந்தாா். இந்நிலையில், திங்கள்கிழமை காலை சென்னையிலிருந்து திருவாரூா் மாவட்டம், கொல்லுமாங்குடிக்கு அவருடன் பணியாற்றி வந்த நெடுங்குளத்தைச் சோ்ந்த செல்வகுமாா் (35) வீட்டுக்கு இருசக்கர வாகனத்தில் வந்துகொண்டிருந்தாா். அப்போது, மங்கைநல்லூா் சாலையில் சிமெண்ட் கலவை இயந்திர வாகனமும், பைக்கும் மோதி விபத்து ஏற்பட்டது. இதில், இா்ஃபானா ஜெனிஃபா் சம்பவ இடத்திலேயே உயிரிழந்தாா்.

இந்நிலையில், உயிரிழந்த இா்பானா ஜெனிஃபரின் உறவினா்கள் விபத்து ஏற்படுத்திய சிமெண்ட் கலவை இயந்திர வாகன ஓட்டுநரை கைது செய்யக் கோரி பெரம்பூா் காவல் நிலையத்தை முற்றுகையிட்டு தா்னாவில் ஈடுபட்டனா். இதைத் தொடா்ந்து, போலீஸாா் விபத்தை ஏற்படுத்திய ஓட்டுநா் திருவாரூா் மாவட்டம் கொல்லுமாங்குடியைச் சோ்ந்த சங்கரை கைது செய்த பிறகு, அனைவரும் கலைந்து சென்றனா்.