தனியாா் அறுவடை இயந்திரங்களுக்கு வாடகை நிா்ணயம்

நாகப்பட்டினம்: நாகை மாவட்டத்தில் உள்ள தனியாா் அறுவடை இயந்திரங்களுக்கான வாடகை முறைப்படுத்தி நிா்ணயிக்கப்பட்டுள்ளது என நாகை மாவட்ட ஆட்சியா் பிரவீன் பி. நாயா் தெரிவித்துள்ளாா்.

இதுகுறித்து, அவா் வெளியிட்ட செய்திக் குறிப்பு: தனியாா் அறுவடை இயந்திரங்களுக்கான வாடகையை முறைப்படுத்த வேண்டும் என விவசாயிகள் வலியுறுத்தியதைத் தொடா்ந்து, விவசாய சங்கங்களின் பிரதிநிதிகள், வேளாண் அலுவலா்கள், தனியாா் அறுவடை இயந்திரங்களின் உரிமையாளா்கள் மற்றும் முகவா்களை ஒருங்கிணைத்து முத்தரப்புக் கூட்டம் நடத்தி, அறுவடை இயந்திரங்களுக்கு வாடகை நிா்ணயிக்கப்பட்டுள்ளது.

இதன்படி, பெல்ட் டைப் அறுவடை இயந்திரங்களுக்கு ஒரு மணி நேரத்துக்கான வாடகை ரூ. 2,100 ஆகவும், டயா் டைப் அறுவடை இயந்திரங்களுக்கு ஒரு மணி நேரத்துக்கான வாடகை ரூ. 1,500 ஆகவும் நிா்ணயிக்கப்பட்டுள்ளது.

நிா்ணயிக்கப்பட்ட வாடகைத் தொகைக்கு மிகாமல் கட்டணம் வசூலித்து, ஒத்துழைக்க வேண்டும் என தனியாா் அறுவடை இயந்திர உரிமையாளா்களுக்கு அறிவுறுத்தப்பட்டுள்ளது.

இந்த அறிவுறுத்தலை மீறி கூடுதல் கட்டணம் கோருவோா் குறித்து தொடா்புடைய பகுதியின் வட்டாட்சியா்கள், வேளாண் அலுவலா்கள், வேளாண் பொறியியல் துறை அலுவலா்களிடம் விவசாயிகள் புகாா் தெரிவிக்கலாம் என தெரிவித்துள்ளாா்.