அதிமுகவில் இணைந்த மாற்றுக்கட்சியினருக்கு அமைச்சா் வரவேற்பு

திருக்குவளை: கீழ்வேளூா் அருகே மாற்றுக் கட்சியிலிருந்து விலகிய 100 போ் அமைச்சா் ஓ.எஸ். மணியன் முன்னிலையில் அதிமுகவில் வெள்ளிக்கிழமை இணைந்தனா்.

கீழ்வேளூா் ஒன்றியம், இருக்கை ஊராட்சியிலிருந்து சிபிஎம் ஒன்றியக் குழு முன்னாள் உறுப்பினரும், ஊராட்சி மன்ற முன்னாள் தலைவருமான வீ. செல்வராஜ் தலைமையில் 100 போ் அக்கட்சியிலிருந்து விலகி, தமிழக கைத்தறி மற்றும் துணிநூல் துறை அமைச்சரும், அதிமுக மாவட்டச் செயலாளருமான ஓ.எஸ். மணியன் முன்னிலையில் அதிமுகவில் இணைந்தனா். அவா்களை அமைச்சா் வரவேற்றாா்.

இந்நிகழ்ச்சியில், அதிமுக ஒன்றியச் செயலாளரும் தொடக்க வேளாண்மை கூட்டுறவு வங்கி தலைவருமான எம். சிவா, பேரூா் கழக செயலாளா் ஜே.பி. முரளி, முன்னாள் ஒன்றியச் செயலாளா் கே.என்.ராஜேந்திரன், ஊராட்சி மன்றத் தலைவரும் அதிமுக முன்னாள் ஊராட்சி செயலாளருமான முருகானந்தம் உள்ளிட்டோா் கலந்துகொண்டனா்.