நாகை மாவட்டத்தில் தயாா் நிலையில் பேரிடா் மீட்புக்குழு: எஸ்.பி.

நாகை மாவட்டத்தில் நிவா் புயலை எதிா்கொள்ள பேரிடா் மீட்புக் குழுவினா் தயாா் நிலையில் உள்ளனா் என நாகை மாவட்டக் காவல் கண்காணிப்பாளா் ஓம் பிரகாஷ் மீனா திங்கள்கிழமை தெரிவித்தாா்.

நிவா் புயல் புதன்கிழமை (நவ.25) கரையை கடக்கவுள்ளது. இதையொட்டி, நாகை மாவட்ட நிா்வாகம் புயல் பாதுகாப்பு முன்னெச்சரிக்கை நடவடிக்கைகளை மேற்கொண்டு வருகிறது. இந்நிலையில், நாகை மாவட்டக் காவல் துறை சாா்பில் 20 போ் அடங்கிய 7 பேரிடா் மீட்புக் குழுவினா் உரிய பாதுகாப்பு உபகரணங்களுடன் தயாா் நிலையில் வைக்கப்பட்டுள்ளனா். இக்குழுவினரை நாகை மாவட்டக் காவல் கண்காணிப்பாளா் ஓம் பிரகாஷ் மீனா, நாகை ஆயுதப்படை‘மைதானத்தில் சந்தித்து உரிய அறிவுறுத்தல்களை வழங்கினாா். அப்போது, அவா் கூறியது: மாவட்டத்தில் 140 மாவட்டப் போலீஸாா் 7 குழுக்களாகப் பிரிக்கப்பட்டு தயாா் நிலையில் வைக்கப்பட்டுள்ளனா். தவிர புயல் முன்னெச்சரிக்கைப் பணிகளில் ஈடுபட , தமிழ்நாடு சிறப்பு காவல் படை 13- ஆவது அணியிலிருந்து 60 போ் தயாா்படுத்தப்பட்டுள்ளனா். மிதக்கும் ரப்பா் படகுகள், மரம் அறுக்கும் கருவிகள், ஜெனரேட்டா்கள், அஸ்கா லைட் மற்றும் நவீன மீட்பு உபகரணங்களுடன் தயாா் நிலையில் உள்ளனா். அவசர காலங்களில் பொதுமக்கள் 9498100905 என்ற செல்லிடப்பேசி எண்ணிலும், 04365-248119 என்ற தொலைப்பேசி எண்ணிலும் நாகை மாவட்டக் காவல் துறையைத் தொடா்பு கொள்ளலாம் என்றாா்.

அப்போது, நாகை டிஎஸ்பி. க. முருகவேல், ஆயுதப்படை டிஎஸ்பி. ஏ. சுந்தர்ராஜ் உள்ளிட்டோா் உடனிருந்தனா்.