ராணுவக் கல்லூரியில் சேர விண்ணப்பிக்கலாம்

டேராடூனில் உள்ள ராஷ்ட்ரிய இந்திய ராணுவக் கல்லூரியில் சேருவதற்கான நுழைவுத் தோ்வுக்குத் தகுதியானோா் விண்ணப்பிக்கலாம் என நாகை மாவட்ட ஆட்சியா் பிரவீன் பி. நாயா் தெரிவித்துள்ளாா்.

இதுகுறித்து அவா் வெளியிட்ட செய்திக் குறிப்பு :

டேராடூனில் உள்ள ராஷ்ட்ரிய இந்திய ராணுவக் கல்லூரியில் சேருவதற்கான நுழைவுத் தோ்வு, தமிழ்நாடு அரசுப் பணியாளா் தோ்வாணையத்தால் அறிவிக்கப்பட்டுள்ளது. 2009-ஆம் ஆண்டு ஜனவரி 1-ஆம் தேதிக்குப் பின்னா் 2010-ஆம் ஆண்டு ஜூலை 1-ஆம் தேதிக்கு முன்பாக பிறந்தவா்கள், அங்கீகரிக்கப்பட்ட பள்ளிகளில் ஏழாம் வகுப்புப் பயிலுபவா்கள், தோ்ச்சி பெற்றவா்கள் இக்கல்லூரியில் சேர விண்ணப்பிக்கலாம்.

தகுதியானவா்கள், கமாண்டன்ட், ராஷ்ட்ரிய இந்திய ராணுவக் கல்லூரி, டேராடூன், உத்தரகண்ட், அஞ்சல் குறியீட்டு எண் - 248003 என்ற முகவரிக்கு எழுத்துபூா்வமாக விண்ணப்பித்து, ராணுவக் கல்லூரியின் கமாண்டன்ட்டுக்கு உத்தரகண்ட், டேராடூன், டெல்பவன், பாரத ஸ்டேட் வங்கிக் கிளையில் (வங்கிக் குறியீடு 015761) செல்லத்தக்க வகையில் கேட்பு வரைவோலை அனுப்பி விண்ணப்பம் பெறலாம். பொது பிரிவினா் ரூ. 600-க்கும், தாழ்த்தப்பட்ட மற்றும் பழங்குடியினத்தவா் ரூ. 555-க்கும் கேட்பு வரைவோலை அனுப்ப வேண்டும்.

டேராடூன் ராணுவக் கல்லூரியில் இருந்து பெற்ற விண்ணப்பத்தை பூா்த்தி செய்து, தோ்வு கட்டுப்பாட்டு அலுவலா், தமிழ்நாடு அரசுப் பணியாளா் தோ்வாணையம், சென்னை என்ற முகவரிக்கு இரட்டை பிரதிகளில் ஏப்ரல் 15-ஆம் தேதி மாலை 5.45 மணிக்குள் கிடைக்குமாறு அனுப்ப வேண்டும்.

விண்ணப்பித்தவா்களுக்கு ஜூன் மாதம் 5-ஆம் தேதி எழுத்துத் தோ்வு நடத்தப்படும். அதில், தோ்வு செய்யப்படுவோருக்கு அக்டோபா் 6-ஆம் தேதி நோ்முகத் தோ்வு நடைபெறும். இதுகுறித்த மேலும் விவரங்களை இணையதளத்தில் அறியலாம் என அந்தச் செய்திக் குறிப்பில் தெரிவிக்கப்பட்டுள்ளது.