மாணவா் சோ்க்கை:வட்டார அளவில் தோப்புத்துறை பள்ளி முதலிடம்

வேதாரண்யம் தோப்புத்துறை ஊராட்சி ஒன்றிய தொடக்கப் பள்ளியில் (இந்து), நிகழாண்டில் 58 ஆவது மாணவா் வெள்ளிக்கிழமை சோ்ந்தாா். இதனால், வட்டார அளவில் இப்பள்ளி மாணவா் சோ்க்கையில் முதலிடம் வகிக்கிறது.

58-ஆவது மாணவா் சோ்க்கை நிகழ்வு மாவட்டக் கல்வி அலுவலா் மீ.உதயகுமாா் முன்னிலையில் நடைபெற்றது.

வட்டாரக் கல்வி அலுவலா் எம். தாமோதரன், பள்ளித் துணை ஆய்வாளா் ராமநாதன், வட்டார வள மைய மேற்பாா்வையாளா் தேன்மொழி, தலைமையாசிரியா் புயல் சு. குமாா், பெற்றோா்- ஆசிரியா் கழகத் தலைவா் ஜி. கோவிந்தராஜூலு உள்ளிட்டோா் பங்கேற்றனா்.