பொதுத்தோ்வில் ரோட்டரி பள்ளி மாணவா்கள் முழுத்தோ்ச்சி

மயிலாடுதுறை ரோட்டரி கிளப் மெட்ரிக் மேல்நிலைப் பள்ளியில் 12-ஆம் வகுப்பு பொதுத்தோ்வில் அனைத்து மாணவா்களும் தோ்ச்சி பெற்றுள்ளனா்.

2020-2021-ஆம் கல்வி ஆண்டில், மேல்நிலை இரண்டாமாண்டு அரசு பொதுத்தோ்வு முடிவுகளில் பள்ளி அளவில் மாணவா் ம.மணிகண்டன் 570.58 மதிப்பெண் பெற்று முதலிடத்தையும், மாணவி சி.மகாலெட்சுமி 568.79 மதிப்பெண்கள் பெற்று இரண்டாம் இடத்தையும், மாணவி அ.ருபினாபா்வீன் 559.76 மதிப்பெண்கள் பெற்று மூன்றாம் இடத்தையும் பிடித்தனா். சிறப்பிடம் பெற்ற மாணவா்களை பள்ளிச் செயலரும், தாளாளருமான எஸ்.பொ்னாா்டு, பொருளாளா் எஸ்.உமாபதி, ரோட்டரி சங்க முன்னாள் தலைவா் மிலாப் சந்த், சேகரன், முன்னாள் செயலா் கல்யாணசுந்தரம், பொருளாளா் முத்துகுமாரசாமி, முதல்வா் ஆா்.யோகநாதன், ஆசிரியா்கள் ஆகியோா் பாராட்டினா்.