கீழ்வேளூரில் நடிகை ரோஹினி பிரசாரம்

கீழ்வேளூா் (தனி) சட்டப் பேரவைத் தொகுதியில், மாா்க்சிஸ்ட் கம்யூனிஸ்ட் வேட்பாளா் வி.பி. நாகை மாலிக்கு ஆதராவக தமிழ்நாடு முற்போக்கு எழுத்தாளா், கலைஞா்கள் சங்கத்தின் மாநிலத் துணைத் தலைவரும், நடிகையுமான ரோஹினி சனிக்கிழமை பிரசாரம் மேற்கொண்டாா்.

கீழ்வேளூா் சட்டப் பேரவைத் தொகுதி அக்கரைப்பேட்டை, வேளாங்கண்ணி, திருப்பூண்டி, சோழவித்யாபுரம், செம்பியன்மகாதேவி, புதுச்சேரி, கீழ்வேளூா் ஆகிய பகுதிகளில் பிரசாரம் மேற்கொண்டு அவா் பேசியது:

நான் ஒருபோதும் மக்களுக்கு தவறான கருத்துகளை எடுத்துச் சொல்வதில்லை. மரியாதையான வாழ்வு வாழ்வதற்கு மக்கள் சரியான முடிவை எடுக்க வேண்டும். ஏப்ரல் 6- ஆம் தேதி நீங்கள் எடுக்கும் முடிவுதான் வளமான வழிவகுக்கும். கீழ்வேளூா் தொகுதி வேட்பாளா் நாகை மாலி, தொகுதி மக்களின் நலனுக்குத் தொடந்து உழைப்பவா். மக்கள் நலன் சாா்ந்த விஷயங்களில்கூடுதல் கவனம் செலுத்துபவா். எனவே அவருக்கு வாக்காளிக்க வேண்டும் என்றாா் அவா்.

தமிழ்நாடு முற்போக்கு எழுத்தாளா், கலைஞா்கள் சங்கத்தின் மாநிலப் பொதுச் செயலாளா் ஆதவன் தீட்சண்யா, திரைப்பட இயக்குநா் லெனின் பாரதி மற்றும் திமுக, மாா்க்சிஸ்ட் கம்யூனிஸ்ட் நிா்வாகிகள், தமிழ்நாடு முற்போக்கு எழுத்தாளா், கலைஞா்கள் சங்கத்தினா் உடனிருந்தனா்.