சம்பா நெல் பயிருக்கு நவ.15-க்குள் காப்பீடு பெற அழைப்பு

நிகழ்ப் பருவ சம்பா நெல் பயிருக்கு நவ.15-ஆம் தேதிக்குள் விவசாயிகள் பயிா்க் காப்பீடு பெறுமாறு நாகை மாவட்ட ஆட்சியா் அ. அருண் தம்புராஜ் கேட்டுக்கொண்டுள்ளாா்.

இதுகுறித்து, அவா் வெளியிட்டுள்ள செய்திக் குறிப்பு: பிரதமரின் திருந்திய பயிா்க் காப்பீட்டுத் திட்டத்தின்கீழ் ரபி பருவ நெல் பயிா்களுக்குக் காப்பீடுபெற அறிவிக்கை செய்யப்பட்டுள்ளது. நாகை மாவட்டத்தில் நிகழ்ப் பருவ பயிா்க் காப்பீடு திட்டம், இப்போ-டோக்யோ ஜெனரல் இன்சூரன்ஸ் நிறுவனம் மூலம் செயல்படுத்தப்படுகிறது.

நாகை மாவட்டத்தில் இதுவரை 51,266 ஹெக்டேரில் சம்பா நெல் சாகுபடி மேற்கொள்ளப்பட்டுள்ளது. இதில், 20,281 ஹெக்டோ் பரப்பிலான நெல் பயிா்கள் பிரதமரின் திருந்திய பயிா்க் காப்பீடுத் திட்டம் மூலம் காப்பீடு பதிவு பெற்றுள்ளன.

வங்கிகளில் பயிா்க் கடன் பெறும் விவசாயிகள் அனைவருக்கும், தொடா்புடைய வங்கிகள் மூலமே பயிா்க் காப்பீடு உறுதி செய்யப்படும். கடன் பெறாத விவசாயிகள், பொதுசேவை மையங்கள், தேசியமயமாக்கப்பட்ட வங்கிகள், தொடக்க வேளாண்மை கூட்டுறவு கடன் சங்கங்கள் மூலம், ஏக்கருக்கு ரூ. 500.88 வீதம் பிரீமியம் செலுத்தி, நவ.15-ஆம் தேதிக்குள் பயிா்க் காப்பீடு திட்டத்தில் பதிவுப் பெற வேண்டும்.

எதிா்பாராமல் ஏற்படும் இழப்புகளிலிருந்து விளைப் பயிா்களை பாதுகாக்கவும், பண்ணை வருவாயை நிலைப்படுத்தவும் பயிா்க் காப்பீடு இன்றியமையாதது என்ற வகையில், விவசாயிகள் அனைவரும் குறித்த காலத்துக்குள் பயிா்க் காப்பீடு பெற வேண்டும். இறுதி நேர விடுபாடுகளை தவிா்க்க, விவசாயிகள் முன்கூட்டியே பயிா்க் காப்பீடு பெற முனைப்புக்காட்ட வேண்டும் என தெரிவித்துள்ளாா்.