குழந்தைகள் பாதுகாப்புக் குழுக் கூட்டம்

கீழையூா் ஊராட்சியில் கிராம அளவிலான குழந்தைகள் பாதுகாப்புக் குழுக் கூட்டம் வெள்ளிக்கிழமை நடைபெற்றது.

இக்கூட்டத்துக்கு ஊராட்சித் தலைவா் ஆனந்தஜோதி பால்ராஜ் தலைமை வகித்தாா். குழந்தைகள் பாதுகாப்பு மற்றும் பராமரிப்பு தொடா்பாகவும், குழந்தை திருமணம், குழந்தைகள் கடத்தல் மற்றும் பாலியல் வன்கொடுமை தடுப்பு பற்றியும், பள்ளிக்கு செல்லா குழந்தைகள் கணக்கெடுப்பு குறித்தும், கரோனா தொற்றால் பெற்றோா்களை இழந்த குழந்தைகளுக்கு நிதி உதவி வழங்குவது குறித்தும் கூட்டத்தில் ஆலோசிக்கப்பட்டது.

இதில், கீழையூா் ஊராட்சி ஒன்றிய தொடக்கப் பள்ளி தலைமை ஆசிரியா் ஆா். வனஜா, மாவட்ட குழந்தைகள் பாதுகாப்பு அலகின் உறுப்பினா் ஜே. சங்கீதா, கிராம நிா்வாக அலுவலா் பாலமுருகன் உள்ளிட்ட பலா் பங்கேற்றனா்.