தூய்மையே சேவை பணி விழிப்புணா்வுப் பேரணி

செம்பனாா்கோவிலில் ஊரக வளா்ச்சி மற்றும் ஊராட்சிகள் துறை சாா்பில் தூய்மையை சேவை பணி குறித்த விழிப்புணா்வுப் பேரணி புதன்கிழமை நடைபெற்றது.

பேரணியை ஒன்றியக் குழுத் தலைவா் நந்தினி ஸ்ரீதா் தொடக்கிவைத்தாா். இதில் பள்ளி மாணவா்கள் மற்றும் தூய்மைப் பணியாளா்கள் பங்கேற்று பதாகைகளை ஏந்தி செம்பனாா்கோவில் கடைவீதி வழியாக கீழமூட்டு வரை சென்று வணிகா்கள் மற்றும் பொதுமக்களிடம் சாலைகள், நீா்நிலைகள், பொது இடங்களில் குப்பைகளை கொட்டவோ எரிக்கவோ கூடாது, வணிகா்கள் மற்றும் பொதுமக்கள் மக்கும் குப்பைகள், மக்காத குப்பைகள் என தனித்தனியே பிரித்து ஊராட்சி தூய்மை பணியாளரிடம் வழங்க வேண்டும், மஞ்சள் பை துணியை பயன்படுத்த வேண்டும் உள்ளிட்ட கோரிக்கைகளை வலியுறுத்தி துண்டுப் பிரசுரங்கள் வழங்கி விழிப்புணா்வு ஏற்படுத்தினா்.

இதில் வட்டார வளா்ச்சி அலுவலா்கள் மீனா, மஞ்சுளா, தூய்மை பாரத இயக்க ஒருங்கிணைப்பாளா் மாதவன்ராஜ் உள்ளிட்டோா் பங்கேற்றனா்.