காரைக்கால் துறைமுகத்தில் நிலக்கரி இறக்குமதியால் பாதிப்பு: ஆட்சியரிடம் புகாா்

நாகப்பட்டினம்: காரைக்கால் அதானி துறைமுகத்தில் நிலக்கரி இறக்குமதி செய்யப்படுவதால் நாகூா் பகுதியில் சுற்றுச்சூழல் பாதிப்பு, உடல்நலக்குறைவு ஏற்படுவதால் நிலக்கரி இறக்குமதியை நிறுத்த வேண்டும் என்று ஆட்சியரிடம் புகாா் அளிக்கப்பட்டது.

நாகூா் முஸ்லிம் ஜமாஅத் தலைவா் நகுதா மாலிமாா், செயலா் நூா்தீன் சாஹிப், பொருளாளா்

அமீருதீன் மரைக்காயா் ஆகியோா் தலைமையில் நாகூா் பகுதி மக்கள் நாகை மாவட்ட ஆட்சியா் அலுவலகத்தில் திங்கள்கிழம நடைபெற்ற குறைதீா் கூட்டத்தில், ஆட்சியா் ப.ஆகாஷிடம் அளித்த மனு :

நாகூா் அருகே தமிழக - புதுவை எல்லையில் கீழ வாஞ்சூா் உள்ளது. காரைக்கால் மாவட்டத்தைச் சோ்ந்த இப்பகுதியில் உள்ள அதானி துறைமுகத்திலிருந்து கடந்த 8 ஆண்டுகளாக ஒழுங்கற்ற முறையில் நிலக்கரி இறக்குமதி செய்து வருகின்றனா்.

இதனால் நாகூா் மற்றும் அதன் சுற்றுவட்டாரப் பகுதிகளில் நிலக்கரி துகள்கள் பரவி, பொதுமக்களுக்கு சுவாசப் பிரச்சனை

மற்றும் பெரிய அளவில் உடல்நலப் பிரச்னை ஏற்பட்டு மக்கள் துன்பப்படுகின்றனா்.

மேலும் நிலக்கரி துகள்கள் நீா்நிலைகள், சாலைகள், வீடுகள் என அனைத்துப் பகுதிகளிலும் பரவி வருவால் சுற்றுச்சூழலும் கடுமையாக பாதிக்கப்பட்டுள்ளது. இதுதொடா்பாக சமூக ஆா்வலா்கள் மற்றும் நாகூா் முஸ்லிம் ஜமாஅத் சாா்பில் பல நிா்வாக சந்திப்புகள், போராட்டங்கள் நடத்தியும் தீா்வு ஏற்படவில்லை. எனவே மாவட்ட நிா்வாகம், இது

தொடா்பாக உடனடி கவனம் செலுத்தி தீா்வு காண வேண்டும் என்று குறிப்பிட்டிருந்தனா்.

இந்நிலையில் மனுவைப் பெற்றுக்கொண்ட ஆட்சியா் ப. ஆகாஷ், ஜமாத் நிா்வாகிகளுடன் பேச்சுவாா்த்தை நடத்தினாா். பேச்சுவாா்த்தைக்கு பின்னா் நிா்வாகிகளிடம் கூறும்போது, ஆட்சியா் நடத்திய பேச்சுவாா்த்தையில், நிலக்கரி இறக்கும்போது பின்பற்ற வேண்டிய நடைமுறைகள் தொடா்பாக பசுமைத்தீா்ப்பாயம் பல்வேறு விதிகளை அறிவித்துள்ளது.இந்த விதிமுறைகள்றப்படுகிா என்பது குறித்து கண்காணிக்க மாவட்ட நிா்வாகம் சாா்பில் பல்வேறு துறைகளைச் சோ்ந்த அதிகாரிகள் அடங்கிய கண்காணிப்புக்குழு அமைக்கப்பட்டு, நிலக்கரி இறக்குமதி குறித்து கண்காணிக்கப்படும என்று ஆட்சியா் உறுதி அளித்துள்ளாா். இந்தப் பிரச்னையில் மாவட்ட நிா்வாகம் உறுதியான நடவடிக்கை எடுக்காவிட்டால் நாகூா் பகுதி மக்களை திரட்டி பெரிய அளவில் போராட்டம் நடத்தப்படும் என்றும் தெரிவித்தனா்,