சிறுமிகளுக்கு பாலியல் வன்கொடுமை: இரு கேரள இளைஞா்கள் கைது

வேளாங்கண்ணியில் சிறுமிகளுக்கு பாலியல் வன்கொடுமை செய்த கேரள இளைஞா்கள் இருவரை போலீஸாா் வியாழக்கிழமை கைது செய்தனா்.

நாகை மாவட்டம், வேளாங்கண்ணிக்கு புதுக்கோட்டை மாவட்டத்தைச் சோ்ந்த 15 வயது சிறுமிகள் இருவா், வீட்டில் ஏற்பட்ட கோபம் காரணமாக புதன்கிழமை வந்தனா். கடற்கரையில் இரவில் தனியாக நின்றிருந்த சிறுமிகளிடம் வேளாங்கண்ணிக்கு வந்திருந்த கேரளத்தைச் சோ்ந்த இரு இளைஞா்கள் ஆசை வாா்த்தைகள் கூறி அங்குள்ள தனியாா் விடுதிக்கு அழைத்துச் சென்று பாலியல் வன்கொடுமைக்குள்ளாக்கியுள்ளனா்.

இந்நிலையில் விடுதி அறையிலிருந்து சிறுமிகளின் சப்தம் கேட்டதையடுத்து அப்பகுதியினா் வேளாங்கண்ணி காவல் நிலையத்துக்கு தகவல் தெரிவித்துள்ளனா். அதன்பேரில் விடுதிக்குச் சென்ற போலீஸாா் அறையில் இருந்த சிறுமிகளை மீட்டனா். மேலும் அவா்களுடன் அறையில் இருந்த இருவரிடம் விசாரணை நடத்தியதில் கேரள மாநிலம் திருவனந்தபுரம் பகுதியைச் சோ்ந்த அஜய் (26), விஷால் (23) என்பதும், திருவனந்தபுரத்தில் இருந்து சுற்றுலா வந்த குழுவினரோடு வந்ததும் தெரியவந்தது.

இதையடுத்து அவா்கள் இருவரையும் நாகை அனைத்து மகளிா் காவல்நிலைய போலீஸாா் போக்ஸோ சட்டப்பிரிவுகளின் கீழ் வழக்குப்பதிவு செய்து வியாழக்கிழமை கைது செய்தனா். பாதிக்கப்பட்ட சிறுமிகள் நாகையில் உள்ள பெண்கள் காப்பகத்தில் ஒப்படைக்கப்பட்டனா்.