17 கைதிகள் தப்பியது சிறைத் துறை நிா்வாகத்தின் தோல்வி

தேனி சிறையில் 17 விசாரணைக் கைதிகள் தப்பிய சம்பவம் சிறைத்துறை நிா்வாகத்தின் தோல்வியைய காட்டுகிறது என்று மனிதநேய மக்கள் கட்சி கண்டனம் தெரிவித்துள்ளது.

இதுகுறித்து அக்கட்சியின் தலைவரும், சட்டப்பேரவை உறுப்பினருமான எம்.எச். ஜவாஹிருல்லா வெளியிட்டுள்ள அறிக்கை:

தேனி மாவட்டம் ஆண்டிபட்டி அருகே தேக்கம்பட்டியில் உள்ள மாவட்டச் சிறையிலிருந்து 17 விசாரணைக் கைதிகள் தப்பியோடியிருப்பது தமிழகத்தின் சிறை நிா்வாகத்தில் நிலவும் பாதுகாப்புக் குறைபாடுகளை வெளிச்சத்திற்குக் கொண்டு வந்துள்ளது.

சிறைக்குள் அடைக்கப்பட்டிருக்கும் கைதிகளைக் கண்காணித்து, அவா்கள் தப்பிச் செல்லாமல் தடுப்பதற்கான பொறுப்பு சிறைத்துறை நிா்வாகத்தையே சாரும். ஒரே நேரத்தில் 17 கைதிகள் தப்பியோடும் அளவுக்குப் பாதுகாப்பு ஏற்பாடுகள் எவ்வாறு தோல்வியடைந்தன என்பதை அரசு விளக்க வேண்டும்.

பணியில் இருந்த காவலா்கள் தவறு செய்திருந்தால் சட்டப்படி நடவடிக்கை எடுக்கலாம். அதே நேரத்தில், பாதுகாப்பு நடைமுறைகள், பணியாளா் எண்ணிக்கை, கண்காணிப்பு ஏற்பாடுகள் மற்றும் நிா்வாக உத்தரவுகள் ஆகியவற்றில் குறைபாடுகள் இருந்தனவா என்பதையும் விசாரிக்க வேண்டும்.

தப்பியோடிய கைதிகளை விரைந்து கண்டுபிடிப்பதுடன், சம்பவத்திற்குக் காரணமான பாதுகாப்புக் குறைபாடுகளையும் கண்டறிய வேண்டும். மாநிலத்தின் அனைத்து சிறைகளிலும் பாதுகாப்பு ஏற்பாடுகள் மறுஆய்வு செய்யப்பட வேண்டும்.

தமிழக அரசு இச்சம்பவம் தொடா்பாக வெளிப்படையான விசாரணை நடத்தி, பொறுப்பானவா்கள் யாராக இருந்தாலும் உரிய நடவடிக்கை எடுக்க வேண்டும் என்று குறிப்பிட்டுள்ளாா்.