டேங்கா் லாரி மோதி இளைஞா் உயிரிழப்பு

நாகையில் இருசக்கர வாகனம் மீது டேங்கா் லாரி மோதிய விபத்தில் இளைஞா் உயிரிழந்தாா்.

கீழ்வேளூா், ஒா்குடி கீழத்தெருவைச் சோ்ந்த செல்வராஜ் மகன் ஜேம்ஸ் ( 32 ). இவா், புதன்கிழமை இரவு நாகூா் கிழக்கு கடற்கரைச் சாலை வழியாக புத்தூா் நோக்கி இருசக்கர வாகனத்தில் சென்று கொண்டிருந்தாா். அப்போது, நாகையில் இருந்து நரிமணம் பகுதிக்கு சென்று கொண்டிருந்த டேங்கா் லாரி, இருசக்கர வாகனம் மீது மோதியது.

இதில், ஜேம்ஸ் நிகழ்விடத்திலேயே உயிரிழந்தாா். அவரது சடலத்தை நாகூா் போலீஸாா் கைப்பற்றி, உடற்கூறாய்வுக்காக ஒரத்தூா் அரசு மருத்துவக் கல்லூரி மருத்துவமனைக்கு அனுப்பி வைத்தனா்.

மேலும், வழக்குப் பதிவு செய்து, டேங்கா் லாரி ஓட்டுநரான தஞ்சாவூா் மாவட்டம், பாபநாசம் பி.டி.ஒ. காலனியைச் சோ்ந்த கு. ஏசுராஜ் (57) என்பவரை கைது செய்தனா்.