இலவச இருதயபரிசோதனை முகாம்:300 பேர் பங்கேற்றனர்

காரைக்காலில் சனிக்கிழமை நடத்தப்பட்ட இலவச இருதய பரிசோதனை முகாமில் சுமார் 300 பேர் பங்கேற்று பயனடைந்தனர்.

லயன்ஸ் கிளப் திருநள்ளாறு டெம்பிள் சிட்டி, புதுச்சேரி துளிர் சொசைட்டி, புதுச்சேரி மருத்துவ விஞ்ஞான நிறுவனம் (பிம்ஸ்) ஆகியவை இணைந்து, காரைக்கால் தந்தை பெரியார் அரசு மேல்நிலைப் பள்ளி வளாகத்தில் இலவச இருதய பரிசோதனை முகாமை நடத்தின.

பிம்ஸ் மருத்துவமனையிலிருந்து இருதய சிகிச்சை நிபுணர் மார்க் தலைமையில் மருத்துவர்கள் 5 பேர் பங்கேற்றனர்.

முகாம் ஏற்பாடுகளை லயன்ஸ் சங்கத் தலைவர் பி. தனராஜ், செயலர் பி. கார்த்திகேசன், பொருளாளர் ஜி. பாலசுப்ரமணியன், துளிர் சொசைட்டி பொறுப்பாளர்கள் ஜெய்சங்கர், ரவிசங்கர் உள்ளிட்டோர் செய்திருந்தனர்.