திருக்கரவாசல் தியாகராஜ சுவாமி கோவிலில் மே 15-ல் கொடியேற்றம்

திருவாரூர் மாவட்டம், திருக்கரவாசலில் அருள்மிகு ஆதிவிடங்கத் தியாகராஜ சுவாமி கோவிலில் வைகாசி விசாகப் பெருவிழாவையொட்டி மே 15-ம் தேதி கொடியேற்றம் நடைபெறுகிறது.

திருவாரூர்-திருத்துறைப்பூண்டி சாலையில் 12 கி.மீ. தொலைவில் உள்ள இக்கோவிலில் நிகழாண்டு வைகாசி விசாக பெருவிழா மே 14-ம் தேதி காலை 7 மணிக்கு விக்னேஸ்வர பூஜை, கணபதி ஹோமத்துடன் தொடங்குகிறது. மே 15-ம் தேதி காலை 6 மணிக்கு ரிஷப லக்னத்தில் கொடியேற்றம் நடைபெறு கிறது. மாலை 6 மணிக்கு யாகசாலை தொடங்குகிறது. அடுத்து பஞ்சமூர்த்திகள் வீதியுலா நடைபெறுகிறது. மே 16 மாலை 5.30 மணிக்கு ஸ்ரீசந்திரசேகரர் பட்டம், பஞ்சமூர்த்திகள் வீதியுலா, கைலாச நாயகிக்கு புஷ்ப அலங்காரம் நிகழ்ச்சி நடைபெறுகிறது.

மே 17-ம் தேதி தியாகராஜ சுவாமிக்கு மகாபிஷேகம், சுவாமி குக்குட நடனத்துடன் வசந்த மண்டபத்தில் எழுந்தருளல் நிகழ்ச்சி நடைபெறுகிறது. அடுத்தடுத்த நாள்களில் சுவாமி வீதியுலா உள்ளிட்ட சிறப்பு நிகழ்ச்சிகள் நடைபெறுகிறது.

மே 21-ம் தேதி சுவாமி வெள்ளி ரிஷப வாகனத்தில் பக்தர்களுக்கு காட்சியளித்தல், மே 23-ம் தேதி திருத்தேர் வீதியுலா நடைபெறுகிறது. மே 24-ல் விசாகத் தீர்த்தவா ரியுடன் விழா நிறைவடைகிறது.

விழா ஏற்பாடுகளை செயல் அலுவலர்கள் ஆர். ஜெயக்குமார் (திருவாரூர்), டி. சிவக்குமார் (திருக்கரவாசல்) மற்றும் கோவில் பணியாளர்கள் செய்து வருகின்றனர்.