முத்துப்பேட்டையில் விநாயகர் சிலை ஊர்வலப் பாதையில் காவல் அதிகாரி ஆய்வு

திருவாரூர் மாவட்டம், முத்துப்பேட்டையில் விநாயகர் சிலை ஊர்வலம் செல்லும் பாதையை மத்திய மண்டல ஐ.ஜி. மு. ராமசுப்ரமணி திங்கள்கிழமை பார்வையிட்டு ஆய்வு செய்து, மாவட்டக் காவல் அதிகாரிகளுடன் ஆலோசனை நடத்தினார்.

திருவாரூர் மாவட்டம், முத்துப்பேட்டையில் வரும் 22-ம் தேதி இந்து அமைப்புகளின் சார்பில் விநாயகர் சிலை ஊர்வலம் நடைபெறவுள்ளது. ஊர்வலம் செல்லும் பாதையை மத்திய மண்டல ஐ.ஜி. மு.ராமசுப்ரமணி திங்கள்கிழமை பார்வையிட்டார்.ஊர்வலம் தொடங்கும் ஜாம்பவானோடை சிவன் கோவில், ஜாம்பவானோடை தர்ஹா, ஆசாத் நகர், திருத்துறைப்பூண்டி சாலை, பழைய பேருந்து நிலையம், கொய்யாமுக்கம், ரயில்வே கேட் வழியாக கிழக்கு கடற்கரை சாலையில் விநாயகர்சிலை கரைக்கும் இடமான செம்படவன்காடு பாமணியாற்றுப் பகுதிகளை அவர் பார்வையிட்டு ஆய்வு செய்தார்.

இதைத் தொடர்ந்து, மன்னார்குடி சாலையில் உள்ள வனத்துறை ஓய்வு விடுதியில் மாவட்டக் காவல் கண்காணிப்பாளர்கள் த. ஜெயச்சந்திரன் (திருவாரூர்), எஸ். தர்மராஜ் (தஞ்சாவூர்), அபினவ் (நாகப்பட்டினம்), முத்துப்பேட்டை காவல் துணைக் கண்காணிப்பாளர் அ. அருண், மன்னார்குடி கோட்டாட்சியர் செல்வசுரபி, திருத்துறைப்பூண்டி வட்டாட்சியர் பழனிவேல் உள்ளிட்ட அதிகாரிகளுடன் ஊர்வலத்தை அமைதியாக நடத்துவது தொடர்பாக ஆலோசனை நடத்தினார்.