வேலைவாய்ப்பு முகாம்: வேலுடையார்பாலிடெக்னிக் மாணவர்கள் 36 பேர் தேர்வு

வெளிவளாக வேலைவாய்ப்பு முகாமில் வேலுடையார் பாலிடெக்னிக் கல்லூரி மாணவர்கள் 36 பேர் தேர்வாகியுள்ளனர்.

திருவாரூர் அருகே அம்மையப்பனில் செயல்பட்டு வரும் வேலுடையார் பாலிடெக்னிக் கல்லூரி இறுதியாண்டு பயிலும் மாணவர்கள் வெளி வளாக வேலைவாய்ப்பு முகாமில் பங்கேற்றனர்.

இதில் லூக்காஸ் டிவிஎஸ் என்ற நிறுவனத்தில் பணியாற்ற இயந்திரவியல் துறையிலிருந்து 20 மாணவர்கள், மின்னியல் மற்றும் மின்னணுவியல் துறையிலிருந்து 9 மாணவர்கள், யுரேகா போர்ப்ஸ் நிறுவனத்தில் பணியாற்ற மின்னியல் மற்றும் மின்னணுவியல் துறையிலிருந்து 7 பேர் தேர்ந்தெடுக்கப்பட்டனர்.

வேலைவாய்ப்பு முகாமில் தேர்வாகிய மாணவர்களுக்கு வேலுடையார் கல்விக் குழுமத் தலைவர் கே.எஸ்.எஸ். தியாகபாரி, கல்விக் குழுமச் செயலர் எஸ். செந்தூர்பாரி, கல்விக்குழும உறுப்பினர் கே.ஜி. சீலன், கல்லூரி முதல்வர் ஜி. மணிகண்டன் உள்ளிட்டோர் பாராட்டுத் தெரிவித்தனர்.