ராபியம்மாள் கல்லூரியில் கணிதமேதை ராமானுஜம் பிறந்த நாள் விழா

திருவாரூரில் உள்ள ராபியம்மாள் அகமது மெய்தீன் மகளிர் கல்லூரியின் கணிதத் துறை சார்பில் கணித மேதை சீனிவாச இராமானுஜத்தின் 131- ஆவது பிறந்தநாள் விழா அண்மையில் கொண்டாடப்பட்டது. 
விழாவுக்கு கல்லூரி அறங்காவலர் குழு உறுப்பினர் பெரோஷா தலைமை வகித்து, கணிதத்தின் மேன்மை குறித்துப் பேசினார். கல்லூரி முதல்வர் எஸ். ஸ்ரீதேவி வாழ்த்திப் பேசினார். கல்லூரி அறங்காவலர் குழு உறுப்பினர் பெஜிலா பெரோஸ், கணிதத் துறை சார்பில் நடைபெற்ற கண்காட்சியை தொடங்கி வைத்தார்.  நிகழ்ச்சியில் இராமானுஜத்தின் வாழ்க்கை வரலாறு காணொலிக் காட்சியாக திரையிடப்பட்டது. மேலும் கணிதம் சார்ந்த மெளன நாடகம், நடனம், ஓவியம் உள்ளிட்ட நிகழ்ச்சிகளும் நடைபெற்றன.