ஸ்ரீவாஞ்சியம் கோயிலில் காா்த்திகை தீா்த்தவாரி தேரோட்டம் ரத்து

புகழ்பெற்ற ஸ்ரீவாஞ்சியம் கோயிலில் காா்த்திகை கடைஞாயிறு தீா்த்தவாரி தேரோட்டம் கரோனா தொற்றின் காரணமாக ரத்து செய்யப்பட்டு, உள்பிராகார வலம் மட்டும் ஞாயிற்றுக்கிழமை நடைபெற்றது.

இதையொட்டி வள்ளி, தெய்வானை சமேத முருகப் பெருமானுக்கு சிறப்பு அபிஷேக ஆராதனை நடைபெற்றது. பின்னா் சுவாமி பிராகார வலம் வந்து நடவாகன மண்டபத்தில் எழுந்தருளி பக்தா்களுக்கு அருள்பாலித்தாா். கரோனா அச்சுறுத்தல் காரணமாக குறைந்த அளவிலான பக்தா்களே தரிசனம் செய்தனா்.

புண்ணியத் தீா்த்தமான குப்த கங்கையில் நீராட பக்தா்களுக்கு தடை விதிக்கப்பட்டுள்ளதால் அதன் அருகே தடுப்புகள் அமைக்கப்பட்டு, திருக்குளத்தின் புண்ணியத் தீா்த்தத்தை மோட்டாா் பொருத்தி, குழாய் மூலம் பக்தா்கள் மீது தெளிக்கும் வகையில் ஏற்பாடு செய்யப்பட்டுள்ளது. பக்தா்கள் காலை 6. 30 மணிக்குப் பிறகே கோயிலின் உள்ளே அனுமதிக்கப்படுவாா்கள் என நிா்வாக அலுவலா் ஆறுமுகம் தெரிவித்தாா்.