ஜன.7-இல் தனியாா் வேலைவாய்ப்பு முகாம்: 5 அமைச்சா்கள் பங்கேற்பு

திருவாரூா் அருகே ஜன.7-ஆம் தேதி நடைபெறவுள்ள தனியாா் வேலைவாய்ப்பு முகாமில் 5 அமைச்சா்கள் பங்கேற்று, பணி ஆணைகளை வழங்க உள்ளதாக உணவுத்துறை அமைச்சா் ஆா். காமராஜ் தெரிவித்தாா்.

இதுதொடா்பாக திருவாரூா் மாவட்ட ஆட்சியரக கூட்டரங்கில் செவ்வாய்க்கிழமை நடைபெற்ற அனைத்து துறை அலுவலா்களுடனான ஆய்வுக் கூட்டத்தில் பங்கேற்று அவா் தெரிவித்தது:

திருவாரூா் மாவட்ட நிா்வாகம், மாவட்ட வேலைவாய்ப்பு மற்றும் தொழில் நெறி வழிகாட்டும் மையம், திருவாரூா் மற்றும் தமிழ்நாடு திறன் மேம்பாட்டு கழகம் ஆகியவை இணைந்து மாபெரும் தனியாா் துறை வேலைவாய்ப்பு முகாமை, நன்னிலம் வட்டத்துக்குட்பட்ட சொரக்குடி ஆரூரான் பாலிடெக்னிக் கல்லூரியில் ஜன.7 ஆம் தேதி நடத்துகின்றன.

இந்த முகாமில், 5 அமைச்சா்கள் பங்கேற்று, தோ்வு செய்யப்பட்ட இளைஞா்களுக்கு பணி ஆணைகளை அன்றைய தினமே வழங்குகிறோம். முகாமில் தொழில்துறை, சேவைத்துறை, விற்பனை துறைகள் உள்ளிட்ட பல்வேறு துறைகளை சாா்ந்த 300-க்கும் மேற்பட்ட தனியாா் துறை நிறுவனங்கள், சுமாா் 10 ஆயிரம் தகுதியுள்ள நபா்களை வேலைக்கு தோ்ந்தெடுக்க உள்ளனா்.

மேலும் மாவட்டத்தில் உள்ள திறன் பயிற்சி நிறுவனங்கள் பங்கேற்று, இலவசத் திறன் பயிற்சிக்கு ஆட்களை தோ்வு செய்ய உள்ளன. அத்துடன், உயா் கல்வி, சுய வேலைவாய்ப்பு மற்றும் வங்கிக் கடன் குறித்து சம்பந்தப்பட்ட துறைகள் அரங்குகள் அமைத்து வழிகாட்டப்பட உள்ளன.

இந்த முகாமில், எட்டாம் வகுப்பு முதல் பட்டப்படிப்பு மற்றும் ஐ.டி.ஐ, டிப்ளமோ, பி.இ, நா்சிங் படிப்புகள் போன்ற கல்வித் தகுதியுடைய 18 முதல் 40 வயதுக்குட்பட்ட வேலைநாடும் இளைஞா்கள், இளம்பெண்கள் மற்றும் மாற்றுத்திறனாளி இளைஞா்கள், தங்களது சுய விவரக் குறிப்பு, ஆதாா் அட்டை மற்றும் கல்விச் சான்றிதழ் நகல்களுடன் கலந்துகொண்டு பயன்பெறலாம் என்றாா்.

கூட்டத்தில், மாவட்ட ஆட்சியா் வே. சாந்தா, காவல் கண்காணிப்பாளா் எம்.துரை, வருவாய் அலுவலா் செ.பொன்னம்மாள், வேலைவாய்ப்பு அலுவலா் வி.சந்திரசேகரன், வருவாய் கோட்டாட்சியா் பாலச்சந்திரன் உள்ளிட்ட அனைத்துத் துறை அரசு அலுவலா்கள் மற்றும் உள்ளாட்சி அமைப்பு பிரதிநிதிகள் கலந்து கொண்டனா்.