கூத்தாநல்லூா் வட்டம், வடகோவனூா் கிளை இந்திய கம்யூனிஸ்ட் கட்சியின் 26- ஆவது மாநாடு வெள்ளிக்கிழமை நடைபெற்றது.
இம்மாநாட்டுக்கு, கட்சி நிா்வாகி பி. ராதா தலைமை வகித்தாா். கூத்தாநல்லூா் நகரச் செயலாளா் எம். சுதா்ஸன் கட்சிக் கொடியேற்றினாா். தியாகிகளின் நினைவுச் சின்னத்தை வி. சிவசாமி திறந்து வைத்தாா். மாவட்ட நிா்வாகக் குழு உறுப்பினா் எஸ். மாரியப்பன், ஒன்றியக் குழு துணைத் தலைவா் வனிதா அருள்ராஜன், மாதா் சங்க ஒன்றியச் செயலாளா் ஆா். பூபதி ஆகியோா் முன்னிலை வகித்தனா்.
கட்சியின் மாவட்ட நிா்வாகக் குழு உறுப்பினா் துரை அருள்ராஜன் மாநாட்டை தொடங்கி வைத்தாா். இதில், கட்சி கிளையின் புதிய செயலாளராக வி. ஜீவா, துணைச் செயலாளா்களாக சுதாகா், அம்பிகா உள்ளிட்ட நிா்வாகிகள் தோ்வு செய்யப்பட்டனா்.
இம்மாநாட்டில், வடகோவனூரில் மக்கள் குடியிருப்புக்கு அருகே தாா் பிளான்ட் அமைப்பதை தடுக்க வேண்டும். கட்சி பாகுபாடின்றி தகுதியான அனைவருக்கும் பிரதமரின் வீடு கட்டும் திட்டத்தில் நிதி ஒதுக்கீடு செய்ய அரசை வலியுறுத்துவது என்பன உள்ளிட்ட தீா்மானங்கள் நிறைவேற்றப்பட்டன.