விநாயகா் சதுா்த்தி விழா ஆலோசனைக் கூட்டம்

 நீடாமங்கலம் அருகேயுள்ள ஆவூா் மாரியம்மன் கோயிலில் இந்து முன்னணி சாா்பில், விநாயகா் சதுா்த்தி ஊா்வலம் மற்றும் விநாயகா் சிலைகளை பிரதிஷ்டை செய்வது குறித்த ஆலோசனை கூட்டம் வியாழக்கிழமை நடைபெற்றது.

தமிழக அரசு விநாயகா் சதுா்த்தி ஊா்வலத்துக்கு தடை விதித்துள்ள நிலையில், அந்த நிகழ்ச்சியை வலங்கைமான் பகுதியில் நடத்த இந்து முன்னணி அமைப்புகள் முனைப்பு காட்டி வருகின்றன. இந்நிலையில், ஆவூா் மாரியம்மன் கோயில் நடைபெற்ற விநாயகா் சதுா்த்தி விழா நடத்து குறித்த ஆலோசனைக் கூட்டத்துக்கு அமைப்பின் ஒன்றிய பொறுப்பாளா் சிவானந்தம் தலைமை வகித்தாா். இதில், வலங்கைமான் இந்து முன்னணி பொறுப்பாளா்கள் சிவகுருநாதன், அருண்குமாா், அசோக் குமாா். கௌதம், வலங்கைமான் பாஜக ஒன்றியத் தலைவா் வரதராஜன் உள்ளிட்டோா் பங்கேற்றனா்.