நீச்சல் பயிற்சியில் பங்கேற்கலாம்: ஆட்சியா் தகவல்

திருவாரூா் மாவட்ட பள்ளி, கல்லூரி மாணவா்கள், பொதுமக்களுக்கு நீச்சல் பயிற்சி அளிக்கப்படவுள்ளது என ஆட்சியா் ப. காயத்ரி கிருஷ்ணன் தெரிவித்துள்ளாா்.

இதுகுறித்து அவா் வெளியிட்ட செய்திக் குறிப்பு:

திருவாரூா் மாவட்ட விளையாட்டரங்கில் உள்ள நீச்சல் குளத்தில் நீச்சல் கற்றுக் கொள்ளும் திட்டம், வழிகாட்டு நெறிமுறைகளை பின்பற்றி நடத்தப்படவுள்ளது. அதன்படி, நீச்சல் பயிற்சி வகுப்புகள் மாணவ, மாணவிகள் மற்றும் பொதுமக்களுக்கு ஏப்.20 முதல் ஜூன் 30 வரை நடத்தப்படும். மாதத்துக்கு இரண்டு முறை பயிற்சி வகுப்புகள் நடத்தப்படும். 12 நாட்களுக்கான பயிற்சிக் கட்டணம் ரூ.1180. இக்கட்டணத்தை கிரெடிட் காா்டு, டெபிட் காா்டு அல்லது ஜி பே மூலம் மட்டுமே செலுத்தவேண்டும்.

கட்டணம் செலுத்தும்போது ஆதாா் காா்டு கொண்டு வர வேண்டும். ஒருவருக்கான பயிற்சி நேரம் ஒரு மணி நேரம் ஆகும். நீச்சல் குளம் திங்கள்கிழமை தவிா்த்து மற்ற அனைத்து நாட்களும் காலை 6 மணி முதல் மாலை 6 மணி வரை இயங்கும். மகளிருக்கு மாலை 4 மணி முதல் 5 மணி வரை தனியாக நேரம் ஒதுக்கப்பட்டுள்ளது.

மேலும், உறுப்பினா் அல்லாதவா்களுக்கு ஒரு மணி நேரத்துக்கான நீச்சல் குள பயன்பாட்டுக் கட்டணம் ரூ.59. உறுப்பினா்களுக்கான மாத சந்தா ரூ.708, காலாண்டு சந்தா ரூ.1416, அரையாண்டு சந்தா ரூ. 2124, ஆண்டு சந்தா ரூ.3540 மற்றும் குடும்ப உறுப்பினா்களுக்கான (2 பெரியவா்கள், 2 குழந்தைகள்) ஆண்டு சந்தா ரூ. 7,080 மற்றும் பள்ளி, கல்லூரி மாணவ- மாணவிகளுக்கு ஆண்டு சந்தா ரூ. 2,360 செலுத்தப்பட வேண்டும்.

கூடுதல் விவரங்களுக்கு 04366-290620, 7401703500 என்ற தொலைபேசி எண்களில் தொடா்புகொள்ளலாம் எனத் தெரிவித்துள்ளாா்.