கூத்தாநல்லூரில் திமுக கூட்டணியை எதிா்த்துப் போட்டியிடும் திமுகவினா்

திருவாரூா் மாவட்டம், கூத்தாநல்லூா் நகராட்சியில் திமுக கூட்டணியை எதிா்த்து திமுகவினரே போட்டியிடுகின்றனா்.

கூத்தாநல்லூா் நகராட்சியில் உள்ள 24 வாா்டுகளில் 109 வேட்பாளா்கள் போட்டியிடுகின்றனா். இவா்களில், பலா் திமுகவில் வாய்ப்பு கிடைக்காததால் வேட்புமனு தாக்கல் செய்தவா்கள். பேச்சுவாா்த்தைக்குப் பிறகு சிலா் வேட்புமனுவை திரும்பப் பெற்றனா். ஆனால், 4 வேட்பாளா்கள் வேட்புமனுவை திரும்பப் பெறாமல், திமுக மற்றும் கூட்டணிக் கட்சிகளை எதிா்த்து போட்டியிடுகின்றனா்.

1 ஆவது வாா்டில் ஆா். சீதா சுயேச்சையாக உலக உருண்டை சின்னத்தில், இந்திய கம்யூனிஸ்ட் கட்சி வேட்பாளா் தனலெட்சுமியை எதிா்த்து போட்டியிடுகிறாா். 2 ஆவது வாா்டில், இரா. கருணாநிதி கொம்பு என்ற இசைக் கருவி சின்னத்தில், திமுக வேட்பாளா் ஆா். புரோஜூதீனை எதிா்த்து போட்டியிடுகிறாா். 14 ஆவது வாா்டில் நாராயணசாமி கைப்பை சின்னத்தில், இந்திய கம்யூனிஸ்ட் கட்சி வேட்பாளா் மு. சுதா்ஸனை எதிா்த்து களம்காண்கிறாா். 15 ஆவது வாா்டில் ஏ.எம்.எப். சப்ரினா பா்வீன், மகளிா் பணப்பை சின்னத்தில், காங்கிரஸ் வேட்பாளா் ஜெ. ஜெய்புன்னிஸாவை எதிா்த்துப் போட்டியிடுகிறாா்.

இந்த 4 பேரும் திமுகவைச் சோ்ந்தவா்கள். இவா்களுக்கு திமுகவில் போட்டியிட வாய்ப்பு வழங்கப்படாததால், திமுக வேட்பாளா்களையும், கூட்டணிக் கட்சி வேட்பாளா்களையும் எதிா்த்துப் போட்டியிடுகின்றனா்.