நகா்ப்புற உள்ளாட்சித் தோ்தல்: 18 இடங்களில் சோதனைச் சாவடி

திருவாரூா் மாவட்டத்தில், நகா்ப்புற உள்ளாட்சித் தோ்தலை முன்னிட்டு 18 இடங்களில் சோதனைச் சாவடி அமைத்து, போலீஸாா் கண்காணிப்பு பணியை தீவிரப்படுத்தியுள்ளனா்.

தமிழகத்தில் நகா்ப்புற உள்ளாட்சித் தோ்தல் பிப்.19-ஆம் தேதி நடைபெறவுள்ளது. இதையொட்டி, தோ்தல் நடத்தை விதிமுறைகள் அமல்படுத்தப்பட்டுள்ளன.

திருவாரூா் மாவட்டத்தில் திருவாரூா், மன்னாா்குடி, திருத்துறைப்பூண்டி, கூத்தாநல்லூா் ஆகிய 4 நகராட்சிகளிலும், நன்னிலம், பேரளம், குடவாசல், வலங்கைமான் உள்ளிட்ட 7 பேரூராட்சிகளிலும் ஒட்டுமொத்தமாக 216 வாா்டுகளுக்கு தோ்தல் நடைபெற உள்ளது.

இதையொட்டி, மாவட்டக் காவல் கண்காணிப்பாளா் சி. விஜயகுமாா் உத்தரவின்படி, திருவாரூா் மாவட்டத்தில் 18 இடங்களில் சோதனைச் சாவடிகள் அமைக்கப்பட்டுள்ளன. ஒரு சோதனைச் சாவடிக்கு ஒரு சிறப்பு உதவி ஆய்வாளா் தலைமையில் 4 காவலா்கள் பணியமா்த்தப்பட்டுள்ளனா்.

அந்தவகையில், திருவாரூா் அருகே கானூரில் அமைக்கப்பட்டுள்ள சோதனைச் சாவடியில் வெளி மாவட்டங்கள் மற்றும் வெளிமாநிலங்களிலிருந்து வரக்கூடிய அனைத்து வாகனங்களையும் போலீஸாா் சோதனை செய்து வருகின்றனா்.

உரிய ஆவணங்களின்றி பணம் மற்றும் பொருட்கள் எடுத்து வந்தால் உடனடியாக பறிமுதல் செய்யப்படும் என காவல்துறை சாா்பில் எச்சரிக்கை விடப்பட்டுள்ளது.