டிச.31-இல் ஓய்வூதியா் குறைதீா் கூட்டம்

திருவாரூா் மாவட்ட ஓய்வூதியா் குறைதீா்க்கும் நாள் கூட்டம், டிசம்பா் 31-ஆம் தேதி நடைபெற உள்ளது என ஆட்சியா் தி. சாருஸ்ரீ தெரிவித்துள்ளாா்.

Updated On :9 டிசம்பர் 2024, 6:10 pm

பகிர்:

திருவாரூா்: திருவாரூா் மாவட்ட ஓய்வூதியா் குறைதீா்க்கும் நாள் கூட்டம், டிசம்பா் 31-ஆம் தேதி நடைபெற உள்ளது என ஆட்சியா் தி. சாருஸ்ரீ தெரிவித்துள்ளாா்.

இதுகுறித்து அவா் வெளியிட்ட செய்திக் குறிப்பு:

திருவாரூா் மாவட்ட ஆட்சியா் அலுவலக கூட்டரங்கில், டிச.31-ஆம் தேதி காலை 10.30 மணியளவில் ஓய்வூதியா் குறைதீா்க்கும் நாள் கூட்டம் நடைபெறவுள்ளது. திருவாரூா் மாவட்டத்தில் கருவூல அலுவலகங்கள் மூலமாக ஓய்வூதியம் பெறும் மாநில அரசு ஓய்வூதியா்கள் மற்றும் குடும்ப ஓய்வூதியா்கள், தங்களுக்கு ஓய்வூதியம் தொடா்பான குறைகள் ஏதுமிருப்பின், அது தொடா்பான மனுக்களை மாவட்ட ஆட்சியரின் நோ்முக உதவியாளா் (கணக்குகள்), மாவட்ட ஆட்சியா் அலுவலகம், திருவாரூா்-610004 என்ற முகவரிக்கு டிச.25 ஆம் தேதிக்குள் அனுப்ப வேண்டும். இவ்வாறு வரப்பெறும் மனுக்களின் மீது மட்டும் உடனடி நடவடிக்கை இயலும்.

இம்மனுக்களில், விண்ணப்பதாரா் பெயா் மற்றும் முகவரி (தொலைபேசி, கைப்பேசி எண்ணுடன்), ஓய்வூதிய புத்தக எண், இறுதியாக பணிபுரிந்த அலுவலகம் மற்றும் பதவி, ஓய்வு பெற்ற நாள், ஓய்வூதியா்களின் கோரிக்கை, எந்த அலுவலரிடம் எவ்வளவு நாட்களாக நிலுவை, ஓய்வூதியம் பெறுபவராயின் ஓய்வூதியம் பெறும் கருவூலத்தின் பெயா் ஆகிய விவரங்களை இரட்டைப் பிரதிகளாக அனுப்பி வைக்க வேண்டும்.

வெளி மாவட்டங்களில் உள்ள கருவூலகங்களின் மூலமாக ஓய்வூதியம் பெறுவோா், தொடா்புடைய மாவட்டத்தில் நடைபெறும் ஓய்வூதியா் குறை தீா் கூட்டத்தின் வழி தீா்வு காணவும், மின்சார வாரியம் மற்றும் போக்குவரத்துக் கழகம் ஆகியவற்றில் பணிபுரிந்து ஓய்வு பெற்ற ஓய்வூதியா்கள், தங்களது விண்ணப்பத்தை திருவாரூா் மாவட்ட ஆட்சியா் அலுவலகத்துக்கு அனுப்பாமல், சம்பந்தப்பட்ட உயா் அதிகாரிகளுக்கு அனுப்பி வைக்க வேண்டும் எனத் தெரிவித்துள்ளாா்.

டிரெண்டிங்