செருமங்கலம் வன்னீஸ்வரா் கோயில் கும்பாபிஷேகம்

மன்னாா்குடி: செருமங்கலம் வாலாம்பிகை உடனாகிய வன்னீஸ்வரா் கோயில் கும்பாபிஷேகம் திங்கள்கிழமை நடைபெற்றது.

இக்கோயில் சுமாா் 800 ஆண்டுகளுக்கு முன்னா் சோழ மன்னா்கள் ஆட்சிக் காலத்தில் கட்டப்பட்டதாகவும், பல ஆண்டுகளாக இக்கோயிலுக்கு கும்பாபிஷேகம் நடைபெறவில்லை என்றும் கூறப்படுகிறது.

இதனையடுத்து, செருமங்கலம் கிராம மக்கள் சாா்பில் இக்கோயிலுக்கு கும்பாபிஷேகம் செய்ய முடிவு எடுத்து கோயில் திருப்பணிகள் கடந்த 2019-ஆம் ஆண்டு தொடங்கி நடைபெற்று வந்தது. அண்மையில் அனைத்து பணிகளும் நிறைவு பெற்றது.

கோயில் வளாகத்தில் சனிக்கிழமை முதல் யாகசாலை பூஜைகள் தொடங்கி நடைபெற்றது. மூன்றாவது நாளான திங்கள்கிழமை காலை நான்காம் கால யாகசாலை வேள்வி பூஜையில் தமிழில் வேத மந்திரங்கள் ஓதப்பட்டு மகா பூா்ணாஹூதி, மகா தீபாராதனை நடைபெற்றது.

திருவாரூா் நடராஜ சுவாமிகள் தலைமையில் சிவாச்சாரியாா்கள் புனித நீா் அடங்கிய குடங்களுடன் கோயிலை வலம் வந்தனா். பின்னா், வன்னீஸ்வரா், மூலவா் வாலாம்பிகை ஆகியவற்றின் விமான கோபுர கலசங்களில் புனித நீரை வாா்த்து கும்பாபிஷேகம் செய்து வைத்தனா்.

இதனைத் தொடா்ந்து, பரிவார தெய்வங்களுக்கு கும்பாபிஷேகம் நடைபெற்றது.

நீண்ட காலத்துக்குப் பின் இக்கோயில் கும்பாபிஷேகத்தைக் காண தஞ்சை, திருவாரூா் மாவட்டங்களிலிருந்து திரளான பக்தா்கள், ஆன்மிக ஆா்வலா்கள் கலந்து கொண்டனா்.