நன்னிலம் பகுதியில் ஆட்சியா் ஆய்வு

உங்களைத் தேடி உங்கள் ஊரில் திட்டத்தின் கீழ் நன்னிலம் வட்டத்தில் புதன்கிழமை திருவாரூா் மாவட்ட ஆட்சியா் ஆய்வு மேற்கொண்டாா் .

திருவாரூா் மாவட்ட ஆட்சியா் தி.சாருஸ்ரீ, சொரக்குடி ஊராட்சியில் கலைஞரின் கனவு இல்லத் திட்டத்தின் கீழ் கட்டப்பட்டு வரும் குடியிருப்பு வீடுகளைப் பாா்வையிட்டாா். குவளைக்கால் பகுதியில் உள்ள நியாயவிலைக்கடையில் உணவுப் பொருட்களின் தரம், இருப்பு விவரத்தா ஆய்வு செய்தாா். குவளைக்கால் கிராமத்தில் மக்களின் அடிப்படை வசதிகள் குறித்தும், மக்களின் கோரிக்கைகள் குறித்தும் கேட்டறிந்தாா்.

விசலுா் ஊராட்சியில் ஊரக குடியிருப்பு வீடுகள் பழுது நீக்கும் பணி, ஆணைக்குப்பம் ஊராட்சி மூலமங்கலத்தில் ரூ, 2.15 லட்சம் மதிப்பில் அங்கன்வாடி மையத்தில் மேற்கொள்ளப்பட்டுள்ள பழுது நீக்க பணி, ரூ, 9.97 லட்சத்தில் கட்டப்பட்டு வரும் பொது விநியோகக் கட்டடத்தையும் ஆய்வு செய்தாா்.

ஆணைக்குப்பம் கிராம நிா்வாக அலுவலகத்தில் பராமரிக்கப்பட்டு வரும் பதிவேடுகளை பாா்வையிட்டு உரிய அறிவுரைகளை வழங்கினாா்.

ஆணைக்குப்பம் அரசு கல்லூரி மாணவியா் விடுதியில் கழிப்பறை வசதி, குடிநீா் வசதி, மாணவிகளுக்கு வழங்கப்படும் உணவின் தரம் குறித்து கேட்டறிந்தாா். நன்னிலம் அரசு மேல்நிலைப் பள்ளியில் ரூ.10 லட்சம் மதிப்பீட்டில் கட்டப்பட்டு வரும் சமையல் கூட பணியையும் பாா்வையிட்டாா் .ஆட்சியா் மற்றும் அனைத்துத் துறை அரசு உயா் அலுவலா்களும் நன்னிலம் பகுதியில் முகாமிட்டு மக்களிடம் குறைகளைக் கேட்டறிந்தனா்.