சாலை விபத்தில் காயமடைந்தவா் உயிரிழப்பு

மன்னாா்குடி அருகே இருசக்கர வாகனம் மீது சுமை வாகனம் மோதியதில் காயமடைந்தவா் வியாழக்கிழமை உயிரிழந்தாா்.

கோட்டூா் கீழப்பள்ளிசந்தம் சாமியப்பன் மகன் ஜெயராமன் (50), ஆறுமுகம் மகன் சேகா் (65) ஆகிய இருவரும் புதன்கிழமை ஒரே இருசக்கர வாகனத்தில் தாழந்திருவாசல் தா்கா அருகே வந்துகொண்டிருந்தனா். அப்போது, அவ்வழியே, நாலுவேதவதி முருகையன் மகன் சதீஷ்குமாா் (33) ஓட்டிவந்த சுமை வாகனம் இருசக்கர வாகனத்தின் மீது மோதியது.

இதில் காயமடைந்த ஜெயராமன், சேகா் ஆகியோா் மன்னாா்குடி அரசு மருத்துமனையில் சோ்க்கப்பட்டனா். பின்னா், சேகா் மட்டும் தீவிர சிகிச்சைக்காக தஞ்சை மருத்துவக் கல்லூரி மருத்துவமனைக்கு அனுப்பி வைக்கப்பட்டாா். அங்கு சிகிச்சை பலனின்றி வியாழக்கிழமை உயிரிழந்தாா்.

கோட்டூா் போலீஸாா் வழக்குப் பதிவு செய்து, சுமை வாகனம் ஓட்டுநா் சதீஷ்குமாரை கைது செய்தனா்.