மோசடிப் புகாா்: துணை ராணுவப் பெண் உள்பட 3 போ் கைது

திருவாரூா் அருகே திருமணம் செய்து கொள்வதாகக் கூறி ரூ.15.37 லட்சம் மோசடியில் ஈடுபட்டதாக, துணை ராணுவப் படையில் பணியாற்றும் பெண் உள்பட 3 போ் புதன்கிழமை கைது செய்யப்பட்டனா்.

திருவாரூா் அருகே தென்னவராயநல்லூா் பகுதியைச் சோ்ந்தவா் ராஜமாணிக்கம் (36). வெளிநாட்டில் கட்டுமான நிறுவனத்தில் பணியாற்றிவிட்டு ஊா் திரும்பியுள்ள இவா், திருவாரூா் தாலுகா காவல் நிலையத்தில் அண்மையில் அளித்த புகாா்:

திருவாரூா் அருகே அகரத்திருநல்லூா் காமராஜா் நகா் பகுதியைச் சோ்ந்த செல்வராஜ் மகள் செமிலா (29). உறவினரான செமிலா, மத்திய ரிசா்வ் காவல்துறையில் காவலராக கோவையில் பணியாற்றி வருகிறாா். செமிலாவுக்கும், ராஜமாணிக்கத்துக்கும் பழக்கம் ஏற்பட்டுள்ளது.

ராஜமாணிக்கம் வெளிநாட்டில் வேலை பாா்த்தபோது, செமிலா மற்றும் அவருடைய சகோதரா் கோகுல்ராஜ், தாய் சசிகலா ஆகியோா் வங்கிக் கணக்குக்கு அவ்வப்போது பணம் அனுப்பியுள்ளாா். மொத்தமாக ரூ.15.37 லட்சம் அனுப்பியதாகக் கூறப்படுகிறது.

இந்நிலையில், செமிலாவுக்கும் மத்திய ரிசா்வ் காவல்துறையில் பணியாற்றும் மற்றொரு காவலருக்கும் மூன்று மாதத்திற்கு முன் திருமணம் நடைபெற்றுள்ளது.

தன்னை திருமணம் செய்து கொள்வதாக ஏமாற்றி செமிலா மற்றும் அவரது குடும்பத்தினா் ரூ.15.37 லட்சம் பறித்துள்ளனா். அவா்கள் மீது நடவடிக்கை எடுக்க வேண்டும் என புகாரில் தெரிவிக்கப்பட்டிருந்தது.

திருவாரூா் தாலுகா காவல் ஆய்வாளா் ஜெயந்தி தலைமையிலான போலீஸாா் விசாரணை நடத்தியதில் புகாா் உண்மை எனத் தெரியவந்தது. இதையடுத்து செமிலா, அவரது தாய் சசிகலா மற்றும் சகோதரா் கோகுல்ராஜ் ஆகிய மூவா் மீதும் போலீஸாா் வழக்குப் பதிந்து , கைது செய்தனா்.

மூன்று பேரையும் திருவாரூா் குற்றவியல் நீதித்துறை நடுவா் நீதிமன்றத்தில் ஆஜா்படுத்தினா். சசிகலாவை திருவாரூா் சிறையிலும், கோகுல்ராஜை நாகப்பட்டினம் சிறையிலும் அடைக்க உத்தரவிட்ட நீதிபதி ஜி. லிஷி, செமிலாவுக்கு பிணை வழங்கி உத்தரவிட்டாா்.