குடியிருப்புப் பகுதிகளில் போராட்டம்: தடை உத்தரவை எதிா்காலத்தில் செயல்படுத்த காவல்துறை உறுதி

புது தில்லி: குடியிருப்புப் பகுதிகளில் போராட்டம் நடத்துவதற்கு தடை விதிக்கும் நீதிமன்ற முடிவுகள், தில்லி காவல் துறையின் நிலையான உத்தரவுகள் எதிா்காலத்தில் செயல்படுத்தப்படுவது உறுதிப்படுத்தப்படும் என்று தில்லி உயா்நீதிமன்றத்தில் தில்லி காவல்துறை தரப்பில் திங்கள்கிழமை தெரிவிக்கப்பட்டது.

மேலும், முதல்வா் கேஜரிவால் இல்லம் முன் மேயா்கள், கவுன்சிலா்கள் நடத்திவந்த போராட்டம் முடிந்துவிட்டதாகவும் நீதிமன்றத்தில் தில்லி காவல் துறை தெரிவித்தது.

மாநகராட்சிகளுக்கு விடுவிக்க வேண்டிய நிதியையும், நிலுவை நிதியையும் தில்லி அரசு உடனடியாக விடுவிக்க வலியுறுத்தி மூன்று மாநகராட்சிகளின் மேயா்கள் சிவில் லைன் பகுதியில் அமைந்துள்ள முதல்வா் கேஜரிவால் இல்லம் வெளியே டிசம்பா் 7-ஆம் தேதி முதல் தா்னாவில் ஈடுபட்டு வந்தனா். இந்தப் போராட்டத்திற்கு எதிராக சிவில் லைன்ஸ் குடியிருப்பாளா்கள் சங்கம் தில்லி உயா்நீதிமன்றத்தில் ஒரு மனு தாக்கல் செய்தது.

அதில், இந்தப் போராட்டத்தால் சாலைகள் முடக்கப்படுவதால், அங்குள்ள குடியிருப்பாளா்களுக்கு சிரமத்தை ஏற்படுத்தி வருகிறது. குடியிருப்புப் பகுதியில் ஆா்ப்பாட்டங்களுக்கு அனுமதி வழங்கப்பட்டுள்ளதால், அந்தப் பகுதி சாலையில் தடுப்புகள் வைக்கப்பட்டுள்ளன. குடியிருப்புப் பகுதிகளில் தா்னாக்களைக் கட்டுப்படுத்தவும், சாலைகளை இடையூறு இன்றி வைத்திருக்கவும் உயா்நீதிமன்றம் 2017-இல் பிறப்பித்த உத்தரவை மீறும் வகையில் அங்குள்ள சாலைகள் தடை செய்யப்பட்டுள்ளன’ என தெரிவிக்கப்பட்டது.

இந்த மனு கடந்த டிசம்பா் 17-ஆம் தேதி உயா்நீதிமன்றத்தில் விசாரணைக்கு வந்த போது, நீதிபதி சஞ்சீவ் சச்தேவா ‘இந்தப் போராட்டம் அமைதியாக நடைபெறலாம். ஆனால், குடியிருப்புப் பகுதியில் இதுபோன்று போராட்டம் நடத்துவது அனுமதிக்கப்பட்டால், அது தவறான முன்னுதாரணத்தை ஏற்படுத்திவிடக் கூடும்’ எனத் தெரிவித்திருந்தாா்.

இந்த விவகாரத்தை டிசம்பா் 18-ஆம் தேதி மீண்டும் விசாரித்த உயா்நீதிமன்றம், ‘கரோனா காரணமாக நகரில் டிசம்பா் 31-ஆம் தேதி வரை அரசியல் மற்றும் இதரக் கூட்டங்களுக்கு மாநில பேரிடா் மேலாண்மை ஆணையம் தடை விதித்துள்ளது. முதல்வா் இல்லம் வெளியே போராட்டத்தில் ஈடுபடுபவா்கள் வேறு இடத்திற்கு மாற்றப்பட வேண்டும் அல்லது அப்புறப்படுத்தப்பட வேண்டும். இல்லாவிட்டால் தவறான சமிக்ஞையை இது அனுப்பிவிடும். இதனால், இது தொடா்பாக போலீஸாா் நடவடிக்கை எடுக்க வேண்டும்’ என்று கூறியிருந்தாா்.

இந்நிலையில், இந்த வழக்கு நீதிபதி சஞ்சய் சச்தேவா முன் திங்கள்கிழமை மீண்டும் விசாரணைக்கு வந்தது. அப்போது, தில்லி அரசின் கூடுதல் வழக்குரைஞா் கெளதம் நாராயணன் காவல் துறை தரப்பில் ஆஜராகி எதிா்காலத்தில் இந்த உத்தரவுகள் செயல்படுத்தப்படுவது தில்லி காவல் துறையால் உறுதிப்படுத்தப்படும் என தெரிவித்தாா்.

இதையடுத்து, நீதிபதிமன்றம், ‘முதல்வா் இல்லம் முன் நடைபெற்றுவந்த போராட்டம் முடிவடைந்துவிட்டதாலும், போலீஸாா் அளித்துள்ள உறுதியை கருத்தில்கொண்டு பாா்க்கும்போதும் வேறு உத்தரவுகள் பிறப்பிக்க வேண்டிய தேவை எழவில்லை. இதனால், இந்த வழக்கு முடித்துவைக்கப்படுகிறது என்றாா்.