தில்லியில் புதிதாக 2187 பேருக்கு கரோனா பாதிப்பு

தலைநகா் தில்லியில் வியாழக்கிழமை ஒரே நாளில் 2,187 பேருக்கு கரோனா தொற்று உறுதி செய்யப்பட்டுள்ளது. இதைத் தொடா்ந்து, மொத்த பாதிப்பு எண்ணிக்கை 1,07,051-ஆக உயா்ந்துள்ளது.

தில்லியில் வியாழக்கிழமை மேலும் 45 போ் கரோனாவால் உயிரிழந்ததை அடுத்து பலி எண்ணிக்கை 3,258 ஆக அதிகரித்துள்ளது. மேலும், 4027 போ் கரோனா பாதிப்பில் இருந்து குணமடைந்தனா். இதனால், நோய்த் தொற்றிலிருந்து குணமடைந்தோா் மொத்த எண்ணிக்கை 82,226-ஆக அதிகரித்துள்ளது. தற்போது மொத்தம் 21,567 கரோனா நோயாளிகள் சிகிச்சையில் உள்ளனா் என தில்லி சுகாதாரத் துறை வியாழக்கிழமை வெளியிட்ட அறிக்கையில் தெரிவிக்கப்பட்டுள்ளது.

தில்லியில் வியாழக்கிழமை மாலை வரையிலான 24 மணி நேரத்தில் 22,289 கரோனா பரிசோதனைகள் மேற்கொள்ளப்பட்டுள்ளன. இதில், ஆா்டி-பிசிஆா் முறையில் 9,719 சோதனைகளும், ரேபிட் ஆன்டிஜென் முறையில் 12,570 சோதனைகளும் மேற்கொள்ளப்பட்டுள்ளன. தில்லியில் இதுவரை மொத்தம் 7,24,148 கரோனா பரிசோதனைகள் மேற்கொள்ளப்பட்டுள்ளன. தில்லியில், கட்டுப்படுத்தப்பட்ட இடங்களின் எண்ணிக்கை 563-ஆக அதிகரித்துள்ளது என்று அந்த அறிக்கையில் தெரிவிக்கப்பட்டுள்ளது.