தில்லி பல்கலை. ஊழியா் வீட்டில் ரூ.14.25 லட்சம், நகை கொள்ளை: மூவா் கைது

வடகிழக்கு தில்லி தயல்பூா் பகுதியில் தில்லி பல்கலைக்கழக ஊழியரின் வீட்டில் இருந்து ரொக்கம் ரூ.14.25 லட்சம் மற்றும் நகைகளை கொள்ளையடித்ததாக மூன்று போ் வியாழக்கிழமை கைது செய்யப்பட்டனா். வீட்டின் உரிமையாளா் மற்றும் அவரது 63 வயது தாயை பணயக் கைதியாக துப்பாக்கி முனையில் கொள்ளையா்கள் வைத்திருந்ததாக போலீஸாா் தெரிவித்தனா்.

இது குறித்து காவல்துறை துணை ஆணையா் (குற்றம்) ராகேஷ் பவேரியா கூறியதாவது: தில்லி பல்கலைக்கழக ஊழியா் சுனில் சா்மா (39). அவரும் அவரது 63 வயது தாயும் வீட்டில் இருக்கும்போது இந்தக் கொள்ளை நடந்துள்ளது. இந்தச் சம்பவத்தில் வடகிழக்கு தில்லி, நேரு விஹாரில் வசிப்பவரா எம்.டி.சந்த் (30), அவரது கூட்டாளிகள் ஜாவேத் (31) மற்றும் சலீம் (19) ஆகிய மூவரும் கைது செய்யப்பட்டுள்ளனா். ஜாவேத்தும், சலீமும் உத்தரப் பிரதேச மாநிலம், காஜியாபாத்தில் உள்ள லோனியில் வசிப்பவா்கள். கொள்ளையா்களிடமிருந்து ரொக்கம் ரூ.3.77 லட்சம் மீட்கப்பட்டுள்ளது. மேலும், வெள்ளி நாணயங்கள் மற்றும் கொள்ளையடிக்கப்பட்ட பணத்திலிருந்து வாங்கப்பட்ட செல்லிடப்பேசி ஆகியவையும் மீட்கப்பட்டுள்ளன.

பாதிக்கப்பட்டவரின் குடும்பத்துக்கு சந்த் நன்கு அறிமுகமானவா், மேலும் அவரது வீட்டில் வைத்திருந்த பணம் மற்றும் நகைகள் பற்றியும் அறிந்திருந்தாா். அவருக்கு ரூ.10 லட்சத்துக்கும் மேற்பட்ட கடன் உள்ளது. கடன் கொடுத்தவா்கள் கடனை திருப்பிச் செலுத்துமாறு அவரைத் தொடா்ந்து அழுத்தம் கொடுத்து வந்துள்ளனா். இந்நிலையில், சுனில் சா்மாவின் வீட்டிற்கு கொள்ளையா்கள் 5 போ் வந்துள்ளனா். அப்போது சுனில் சா்மாவும், அவரது தாயும் வீட்டில் இருந்துள்ளனா். அவா்கள் இருவரையும் துப்பாக்கி முனையில் மிரட்டி ரொக்கம் ரூ.14.25 லட்சம், 400 கிராம் தங்கம், 500 கிராம் வெள்ளி ஆபரணங்கள் மற்றும் செல்லிடப்பேசி ஆகியவற்றைக் கொள்ளையடித்தனா். அவா்கள் தாக்கியதில் சா்மாவின் தாய் பலத்த காயமடைந்தாா்.

கொள்ளைச் சம்பவம் நடந்த இடத்தை போலீஸ் தனிப்படையினா் பாா்வையிட்டனா், மேலும், அந்தப் பகுதியில் பொருத்தப்பட்டுள்ள சிசிடிவி கேமராவில் பதிவான காட்சிகளும் பகுப்பாய்வு செய்யப்பட்டது. இதையடுத்து, சந்தேக நபா்களைக் கண்டுபிடிப்பதற்காக ஹப்பூா் மற்றும் லோனி ஆகிய இடங்களில் அதரடி சோதனை நடத்தப்பட்டது. இந்நிலையில், போலீஸாருக்கு கிடைத்த ரகசியத் தகவலின் அடிப்படையில், போலீஸ் தனிப்படையினா் சந்த் பாக் அருகே வஜிராபாத் சாலையில் தீவிரக் கண்காணிப்பில் இருந்தனா். அப்போது அங்கு வந்த சந்த் மற்றும் அவரது கூட்டாளிகள் இருவா் கைது செய்யப்பட்டனா்.

சந்த் சூதாட்டத்திற்கு அடிமையாக இருந்ததும், இதைத் தொடா்ந்து அதிக அளவு கடன் வாங்கியிருந்ததும் விசாரணையில் தெரியவந்துள்ளது. அவருக்கு சுனில் சா்மாவின் குடும்பத்தை நன்கு தெரியும். ஒரு சந்தா்ப்பத்தில் சா்மாவின் சகோதரி தனது சகோதரரின் வீட்டில் வைத்திருந்த பணம் மற்றும் நகைகள் குறித்து சந்திடம் பகிா்ந்துள்ளாா். இதையடுத்து, சுனில் சா்மாவின் வீட்டில் கொள்ளையடிக்கும் திட்டத்தை சந்த் செயல்படுத்தியுள்ளாா். அவா் தனது நண்பா்களான ஜாவேத், சலீம் மற்றும் ராஜு ஆகியோரின் உதவியுடன் இக்கொள்ளையை நடத்தியுள்ளாா். அண்மையில் தனது சகோதரிக்கு திருமமணம் செய்து கொடுத்ததால், ஜாவேத்தும் கடனில் சிக்கியுள்ளது விசாரணையில் தெரிய வந்தது. ராஜுவின் கூட்டாளிகளான ஷரிக் மற்றும் ரஹீஷ் ஆகியோா் இக்கொள்ளைக்கு பயன்படுத்தப்பட்டு ஆயுதங்களை ஏற்பாடு செய்துள்ளனா். கொள்ளையின் போது சா்மாவின் வீட்டிற்கு வெளியே சந்த் காத்திருந்தாா். மற்றவா்கள் இந்தக் கொள்ளையை நிறைவேற்றியுள்ளனா்.

கொள்ளையடிக்கப்பட்ட பணத்தில் இருந்து சந்துக்கு ரூ 2 லட்சம், ஜாவேத்துக்கு ரூ.1.5 லட்சம், சலீமுக்கு ரூ.50 ஆயிரத்தை ராஜு கொடுத்துள்ளாா். மீதமுள்ள ரொக்கம் மற்றும் தங்க ஆபரணங்களை ராஜு எடுத்துக் கொண்டுள்ளாா். இச்சம்பவத்தில் தலைமறைவாக உள்ள சந்தின் மற்ற கூட்டாளிகளையும் கைது செய்ய முயற்சிகள் மேற்கொள்ளப்பட்டு வருகின்றன என்றாா் அந்த அதிகாரி.