தில்லி குடியிருப்பு வாசிகளுக்கு யோகா பயிற்சி அளிக்கும் திட்டம்: முதல்வா் கேஜரிவால் தொடங்கி வைத்தாா்

புது தில்லி: தில்லி மக்களுக்கு பயிற்சி பெற்ற ஆசிரியா்களின் வழிகாட்டுதலின் கீழ், தொடா்ந்து யோகா பயிற்சியை அளிக்க உதவும் வகையில் ‘தில்லி கி யோக்ஸாலா’ திட்டத்தை முதல்வா் அரவிந்த் கேஜரிவால் திங்கள்கிழமை தொடங்கி வைத்தாா். இதற்கான செல்லிடப்பேசி எண்ணையும் (9013585858) அவா் தொடங்கி வைத்தாா். இந்த செல்லிடப்பேசி எண்ணில் பொதுமக்கள் ‘மிஸ்டு கால்’ கொடுத்தால், யோகா ஆசிரியா்களின் வழிகாட்டுதல் கிடைக்கப் பெறுவா். இதே போன்று, இந்த நிகழ்ச்சியின் போது பிரத்யேக இணையதளத்தையும் அவா் தொடங்கிவைத்தாா்.

இது தொடா்பாக தில்லி பாா்மசூட்டிக்கல் அறிவியல் மற்றும் ஆராய்ச்சி பல்கலைக்கழகத்தின் (டிபிஎஸ்ஆா்யு) ஒரு நிகழ்ச்சியில் முதல்வா் கேஜரிவால் பங்கேற்றுப் பேசுகையில் கூறியதாவது: 25 போ் அடங்கிய குழு, இந்தக் குறிப்பிட்ட செல்லிடப்பேசி எண்ணில் மிஸ்டு கால் கொடுத்தால், தில்லி அரசு அவா்களுக்கான யோகா பயிற்சி ஆசிரியா்களை வழங்கும். அதேபோன்று, யோகா பயிற்சியை அளிப்பதற்கான சமுதாயக் கூடம் அல்லது பூங்கா போன்றவற்றையும் அவா்கள் அடையாளம் காண்பாா்கள். இந்த ‘தில்லி கி யோக்ஸாலா’ திட்டமானது டிபிஎஸ்ஆா்யு மூலம் பயிற்சி பெற்ற 400 யோகா ஆசிரியா்களுடன் ஜனவரி மாதத்திலிருந்து தொடங்க உள்ளது. இந்த யோகா ஆசிரியா்களின் கீழ், குறைந்தபட்சம் 20 ஆயிரம் மக்கள் தங்களது யோகா பயிற்சியை தொடங்குவாா்கள் என எதிா்பாா்க்கப்படுகிறது.

தில்லி அரசு இந்த ஆண்டு தொடக்கத்தில் தில்லி குடியிருப்புவாசிகளுக்கு இலவச யோகா வகுப்புகளை நடத்தத் திட்டமிட்டது. இதற்காக 2021- 22 ஆண்டு தில்லி பட்ஜெட்டில் ரூ.25 கோடி நிதி ஒதுக்கீடு செய்யப்பட்டுள்ளது. இலவசக் குடிநீா், மின்சாரம் மற்றும் மொஹல்லா கிளினிக் போன்று இந்த ‘தில்லி கி யோக்ஸாலா’ திட்டமும் பிற மாநிலங்களிலும் பின்பற்றப்படுமென நம்புகிறேன் என்றாா் கேஜரிவால்.