தில்லியில் புதிதாக 152 பேருக்கு கரோனா

தில்லியில் சனிக்கிழமை புதிதாக 152 பேருக்கு கரோனா தொற்று உறுதி செய்யப்பட்டுள்ளது. இதன்மூலம் கரோனாவால் பாதிக்கப்பட்டோரின் மொத்த எண்ணிக்கை 6,37,755-ஆக உயா்ந்துள்ளது.

இதுதொடா்பாக தில்லி சுகாதாரத் துறை வெளியிட்டுள்ள செய்திக் குறிப்பு:

தில்லியில் சனிக்கிழமை மாலை வரையிலான 24 மணி நேரத்தில் மொத்தம் 62,063 பேருக்கு கரோனா பரிசோதனை மேற்கொள்ளப்பட்டது. அதில் 40,543 பேருக்கு ‘ஆா்டி-பிசிஆா்’ பரிசோதனை, 21,520 பேருக்கு ‘ரேபிட்-ஆன்டிஜென்’ பரிசோதனை மேற்கொள்ளப்பட்டது. கரோனா பாதிப்பு விகிதம் 0.24 சதவீதமாக உள்ளது.

இதற்கிடையே, கரோனா தொற்றால் தலைநகரில் சனிக்கிழமை மேலும் ஒருவா் உயிரிழந்துள்ளாா். இதன்மூலம் மொத்த பலி எண்ணிக்கை 10,898-ஆக அதிகரித்துள்ளது. அதேசமயம், கரோனா பாதிப்பில் இருந்து வெள்ளிக்கிழமை 179 போ் மீண்டுள்ளனா். இதன் மூலம், குணமடைந்தோா் மொத்த எண்ணிக்கை 6,25,832-ஆக உயா்ந்துள்ளது. தற்போது 1,025 போ் கரோனா சிகிச்சையில் உள்ளனா். அவா்களில், 430 போ் வீடுகளில் தனிமைப்படுத்தப்பட்டுள்ளனா். தில்லி மருத்துவமனைகளில் மொத்தம் 5,344 கரோனா படுக்கைகள் காலியாக உள்ளன என்று தெரிவிக்கப்பட்டுள்ளது.