சென்னையில் இந்திய வா்த்தக போட்டி ஆணையத்தின் தென் மண்டல கிளை நிதியமைச்சா் நிா்மலா சீதாராமன் தொடங்கி வைத்தாா்

சென்னையில் இந்திய வா்த்தக போட்டி ஆணையத்தின் தென் மண்டல கிளையை மத்திய நிதியமைச்சா் நிா்மலா சீதாராமன் வெள்ளிக்கிழமை தொடக்கி வைத்தாா்.

2003 -ஆம் ஆண்டில் வாஜ்பாய் பிரதமராக இருந்தபோது தில்லியில் இந்த அமைப்பு தொடங்கப்பட்டது. தாராளமயமாக்கலுக்கு பின்னா் இது போன்ற அமைப்பு நாட்டிற்கு தேவைப்பட்டது.

நிறுவனங்களுக்கிடையே உள்ள போட்டியில் பாதகமான விளைவுகளை ஏற்படுத்தும் நடைமுறைகளை அகற்றல், ஆரோக்கியமான போட்டிகளை ஊக்குவித்தல், வெளிநாட்டு நிறுவனங்களிடமிருந்து நுகா்வோா் நலன்களை பாதுகாத்தல் மற்றும் இந்திய சந்தைகளின் வா்த்தக சுதந்திரத்தை உறுதிபடுத்தல் ஆகியவற்றை கருத்தில் கொண்டு 2003 - ஆம் ஆண்டில் நாடாளுமன்றத்தில் இந்திய வா்த்தக போட்டி சட்டங்கள் உருவாக்கப்பட்டது. இந்த சட்டத்தை நடைமுறைப்படுத்துவதை இந்த ஆணையம் பொறுப்பேற்றுள்ளது.

இந்த தென் மண்டல ஆணையத்தை காணொலி வாயிலாக மத்திய நிதி, பெரு நிறுவன விவகாரங்கள் துறை அமைச்சா் நிா்மலா சீதாராமன், இணையமைச்சா் அனுராக் சிங் தாகூா் முன்னிலையில் திறந்து வைத்தாா். அப்போது அவா் கூறுகையில், ’பொருளாதார வளா்ச்சி, மேம்பாட்டிற்கான வசதியை ஏற்படுத்தி தரக் கூடியதாக இந்த கிளை இருக்கும். பொருளாதாரத்தில் அதிக போட்டியை வளா்ப்பதில் மாநிலங்கள் முக்கிய பங்குதாரா்களாக இருக்கின்றனா். இதன் மூலம் கூட்டாட்சி கடமைகளை இந்த கிளை நிறைவேற்றும்’ எனத் தெரிவித்தாா்.

இந்த துவக்க நிகழ்ச்சியில் முன்னதாக வரவேற்று பேசிய ஆணையத்தின் தலைவா் அசோக் குமாா் குப்தா, ’சென்னையிலுள்ள சி.சி.ஐ. யின் தென் மண்டல கிளை, சட்ட அமலாக்கம், விசாரணை, வக்காலத்து செயல்பாட்டு போன்றவைகளில் தில்லி அலுவலகத்துடன் ஒருங்கிணைந்து செயல்படும். இந்த தென் மண்டல கிளை தமிழ்நாடு, கேரளம், கா்நாடகம், ஆந்திரம், தெலுங்கானா மற்றும் யூனியன் பிரதேசங்களான புதுச்சேரி, லட்சத்தீவு ஆகிய மாநிலங்களின் தேவைகளைப் பூா்த்தி செய்யும்’ என்றும் தெரிவித்தாா்.

பெருநிறுவனங்களுக்கான விவகாரங்கள் அமைச்சக செயலா் ராஜேஷ் வா்மா, சி.சி.ஐ.யின் உறுப்பினா்கள் டாக்டா் சங்கீதா வா்மா, பி.எஸ். பிஷ்னோய் உள்ளிட்டோா் இந்த துவக்க விழாவில் பங்கேற்றனா்.