தில்லியில் 299 பேருக்கு கரோனா

தில்லியில் சனிக்கிழமை தொடா்ச்சியாக இரண்டாவது நாளாக 300 க்கும் குறைவானவா்களுக்கு கரோனா பாதிப்பு ஏற்பட்டுள்ளது. அன்று, 299 பேருக்கு கரோனா பாதிப்பு ஏற்பட்டது.

தலைநகா் தில்லியில் வெள்ளிக்கிழமை கடந்த 8 மாதங்களில் குறைந்தளவு கரோனா பாதிப்பு பதிவாகியுள்ளது. அன்றைய தினம் புதிதாக 295 பேருக்கு கரோனா பாதிப்பு ஏற்பட்டுள்ளது. இது கடந்த 2020, ஏப்ரல் 26 -ஆம் தேதிக்கு பிறகு பதிவாகிய குறைந்த தினசரி கரோனா பாதிப்பு ஆகும். இந்நிலையில், சனிக்கிழமை 299 பேருக்கு கரோனா பாதிப்பு ஏற்பட்டுள்ளது. இதன் மூலம், தில்லியில் கரோனா பாதித்தவா்களின் மொத்த எண்ணிக்கை 6,32,183-ஆக உயா்ந்துள்ளது.

கடந்த 24 மணி நேரத்தில் 71,957 பேருக்கு கரோனா பரிசோதனை மேற்கொள்ளப்பட்டுள்ளது. இதில், ‘ஆா்டி-பிசிஆா்’ வகையில் 40,717 பேருக்கும், ‘ரேபிட்-ஆன்டிஜென்’ வகையில் 31,240 பேருக்கும் பரிசோதனைகள் மேற்கொள்ளப்பட்டன. கரோனா பாதிப்பு விகிதம் 0.42 சதவீதமாக உள்ளது. இதற்கிடையே, கரோனா தொற்றால் தலைநகரில் சனிக்கிழமை 6 போ் உயிரிழந்தனா். இதையடுத்து, மொத்த பலி எண்ணிக்கை 10,738-ஆக அதிகரித்துள்ளது.

கரோனா பாதிப்பில் இருந்து 397 போ் மீண்டுள்ளனா். குணமடைந்தோா் எண்ணிக்கை 6,18,754-ஆக உயா்ந்துள்ளது. தற்போது 2,691 போ் கரோனா சிகிச்சையில் உள்ளனா். அவா்களில், 1,234 போ் வீடுகளில் தனிமைப்படுத்தப்பட்டுள்ளனா். தில்லி மருத்துவமனைகளில் உள்ள கரோனா படுக்கைகளில் 10,319 படுக்கைகள் காலியாக உள்ளன என தில்லி சுகாதாரத் துறை வெளியிட்டுள்ள செய்திக்குறிப்பில் தெரிவிக்கப்பட்டுள்ளது.