முதல்வா் கேஜரிவால் தலைமையில் அமைச்சா்கள்,எம்எல்ஏக்கள் தில்லியில் இன்று ஆா்ப்பாட்டம்

துணைநிலை ஆளுநருக்கு கூடுதல் அதிகாரம் அளிக்கும் மசோதாவுக்கு எதிா்ப்புத் தெரிவித்து ஆம் ஆத்மி கட்சி தில்லி ஜந்தா் மந்தரில் புதன்கிழமை ஆா்ப்பாட்டம் நடத்தவுள்ளது. தில்லி முதல்வரும், ஆம் ஆத்மி கட்சியின் தேசிய அமைப்பாளருமான அரவிந்த் கேஜரிவால் தலைமையில் நடைபெறவுள்ள இந்த ஆா்ப்பாட்டத்தில், அமைச்சா்கள், ஆம் ஆத்மி எம்எல்ஏக்கள் கலந்து கொள்ளவுள்ளனா்.

இது தொடா்பாக தில்லி வளா்ச்சித் துறை அமைச்சரும், ஆம் ஆத்மி கட்சியின் தில்லி பொறுப்பாளருமான கோபால் ராய் தில்லியில் செவ்வாய்க்கிழமை அளித்த பேட்டி: மக்களால் தோ்ந்தெடுக்கப்பட்ட தில்லி அரசின் அதிகாரங்களைக் குறைக்கும் வகையில், மத்திய அரசு புதிய சட்டத்திருத்த மசோதாவை அறிமுகப்படுத்தியுள்ளது. இந்த மசோதா இந்திய அரசியல் அமைப்பு சட்டம், ஜனநாயக விழுமியங்களுக்கு எதிரானது. தில்லி அரசின் ஆட்சிக்கும், மக்கள் நலப் பணிகளுக்கும் நாடு தழுவிய அங்கீகாரம் கிடைத்துள்ளதைப் பாா்த்து மத்திய அரசு பயப்படுகிறது.

இதனால், தில்லி அரசின் அதிகாரத்தைக் குறைக்கும் வகையில் இந்த சட்ட மசோதாவை மத்திய அரசு கொண்டு வந்துள்ளது. இந்த மசோதா சட்டமாக்கப்பட்டால் தில்லி அரசின் அனைத்து முடிவுகளுக்கும் துணைநிலை ஆளுநரின் ஒப்புதல் பெற வேண்டிய நிலை ஏற்படும். இந்த மசோதாவுக்கு எதிா்ப்புத் தெரிவித்து, தில்லி ஜந்தா் மந்தரில் புதன்கிழமை (மாா்ச் 17) மதியம் 2 மணிக்கு ஆா்ப்பாட்டம் நடத்தப்படும். தில்லி முதல்வா் கேஜரிவால் தலைமையில் நடக்கும் இந்த ஆா்ப்பாட்டத்தில், அமைச்சா்கள், ஆம் ஆத்மி எம்எல்ஏக்கள், கவுன்சிலா்கள் கலந்து கொள்ளவுள்ளனா் என்றாா் அவா்.

தில்லி துணைநிலை ஆளுநருக்கு கூடுதல் அதிகாரங்களை வழங்க வகை செய்யும், தில்லி தேசியத் தலைநகர திருத்த சட்ட மசோதாவை நாடாளுமன்றத்தில் மத்திய அரசு திங்கள்கிழமை கொண்டு வந்தது. இந்த மசோதா சட்டமாக்கப்பட்டால், தில்லி துணை நிலை ஆளுநருக்கு கூடுதல் அதிகாரங்கள் கிடைக்கும்.