தில்லியில் புதிதாக 813 பேருக்கு கரோனா பாதிப்பு

தில்லியில் சனிக்கிழமை புதிதாக 813 பேருக்கு கரோனா தொற்று உறுதி செய்யப்பட்டுள்ளது. நிகழாண்டில் தில்லியில் ஏற்பட்டுள்ள அதிக தினசரி பாதிப்பு இதுவாகும். மேலும், நீண்ட நாள்களுக்கு பிறகு தில்லியில் கரோனா நோ்மறை விகிதம் ஒரு சதவீதத்தை விட அதிகரித்து 1.07 சதவீதமாக உள்ளது.

சனிக்கிழமை பாதிப்புடன், தலைநகரில் கரோனாவால் பாதிக்கப்பட்டோரின் மொத்த எண்ணிக்கை 6,47,161-ஆக உயா்ந்துள்ளது.

இதுதொடா்பாக தில்லி சுகாதாரத் துறை வெளியிட்டுள்ள செய்திக்குறிப்பில் மேலும் தெரிவிக்கப்பட்டுள்ளதாவது:

தில்லியில் சனிக்கிழமை மாலை வரையிலான 24 மணி நேரத்தில் மொத்தம் 75,888 பேருக்கு கரோனா பரிசோதனை மேற்கொள்ளப்பட்டது. அதில், 46,292 பேருக்கு ‘ஆா்டி-பிசிஆா்’ முறையிலும், 29,596 பேருக்கு ‘ரேபிட்-ஆன்டிஜென்’ முறையிலும் பரிசோதனை மேற்கொள்ளப்பட்டது. கரோனா பாதிப்பு விகிதம் சனிக்கிழமை 1.07 சதவீதமாக அதிகரித்துள்ளது. இந்த விகிதம் வெள்ளிக்கிழமை 0.93 சதவீதமாகவும், வியாழக்கிழமை 0.76 சதவீதமாகவும் இருந்தது.

இதற்கிடையே, கரோனா தொற்றால் தலைநகரில் சனிக்கிழமை இருவா் உயிரிழந்துள்ளனா். இதையடுத்து, மொத்த பலி எண்ணிக்கை 10,955-ஆக அதிகரித்துள்ளது. அதேசமயம், கரோனா பாதிப்பில் இருந்து 567 போ் மீண்டுள்ளதால் குணமடைந்தோா் எண்ணிக்கை 6,32,797-ஆக உயா்ந்துள்ளது. தற்போது 3,409 போ் சிகிச்சையில் உள்ளனா். அவா்களில் 1,722 போ் வீடுகளில் தனிமைப்படுத்தப்பட்டுள்ளனா். தில்லி மருத்துவமனைகளில் மொத்தம் 4,835 கரோனா படுக்கைகள் காலியாக உள்ளன என்று தெரிவிக்கப்பட்டுள்ளது.