கரோனா பரிசோதனை எண்ணிக்ையைஅதிகரிக்க தில்லி காங்கிரஸ் வலியுறுத்தல்

 கரோனா நோய்த் தொற்று அதிகரித்து வரும் நிலையில் , தினசரி பரிசோதனைகளை அதிகரிக்க தில்லி அரசு நடவடிக்கை எடுக்க வேண்டும் என்று தில்லி காங்கிரஸ் தலைவா் அனில் குமாா் சௌத்ரி வலியுறுத்தியுள்ளாா்.

இது குறித்து தில்லி அவா் வெள்ளிக்கிழமை கூறியதாவது: கரோனா பாதிப்பு எண்ணிக்கை அதிகரிப்பை சமாளிக்க பள்ளிகளை மூடுவதும், பொது முடக்கத்தை அறிவிப்பதும் அதிகரிக்கும் நோய்த் தொற்று பாதிப்புக்கு தீா்வாக இருக்காது. நோய் பரவலைக் கட்டுப்படுத்தும் வகையில், பொது இடங்களில் மக்கள் கரோனா வழிகாட்டு நெறிமுறைகளை கடைப்பிடிப்பதை தில்லி அரசு உறுதி செய்ய வேண்டும். கரோனா தொற்று பரவலைத் தடுக்க தினசரி மேற்கொள்ளப்படும் ஆா்டி-பிசிஆா் பரிசோதனையை அதிகரிக்க வேண்டும்.

அதேபோன்று, எந்தவொரு நிகழ்வையும் சமாளிக்க மருத்துவமனைகள் தயாராக இருப்பதை உறுதிசெய்ய வேண்டும். கொவைட் -19 தடுப்பூசிகளின் முன்னெச்சரிக்கை தவணையை இலவசமாக பொதுமக்களுக்கு வழங்க வேண்டும். மேலும், முதல்வா் பஞ்சாப் மாநில உயா் அதிகாரிகளுக்கு பயிற்சி அளிப்பதையும், குஜராத், இமாசலப்பிரதேசத்தில் அரசியல் கூட்டங்களை நடத்துவதையும் நிறுத்திவிட்டு தில்லி மக்களின் நலனைக் கருத்தில் கொண்டு தில்லியில் நேரத்தைச் செலவிட வேண்டும் என்றாா் அவா்.

தில்லியில் கரோனா நிலைமையை தில்லி அரசு கண்காணித்து வருவதாகவும், மருத்துவமனையில் அனுமதிக்கப்படும் நோயாளிகளின் எண்ணிக்கை குறைவாக இருப்பதால் பீதி அடையத் தேவையில்லை என்றும் முதல்வா் கேஜரிவால் சில தினங்களுக்கு முன்பு தெரிவித்திருந்தாா். தில்லியில் கரோனா வைரஸ் பரவலைத் தடுப்பதற்கான நடவடிக்கைகள் குறித்து விவாதிக்க ஏப்ரல் 20-ஆம் தேதி தில்லி பேரிடா் மேலாண்மை ஆணையம் ஒரு கூட்டத்தை நடத்தவுள்ளது.