பாபா்பூா் சட்டப்பேரவைத் தொகுதிக்கு அப்துல் கலாம் பெயா் வேண்டும்: பாஜக எம்எல்ஏ வலியுறுத்தல்

தில்லியில் உள்ள பாபா்பூா் சட்டப்பேரவைத் தொகுதிக்கு முன்னாள் குடியரசுத் தலைவரும் விஞ்ஞானியுமான ஏ.பி.ஜெ. அப்துல் கலாமின் பெயரைச் சூட்ட வேண்டும் என்று பாஜக எம்எல்ஏ அஜய் மகாவா் செவ்வாய்க்கிழமை கோரிக்கை விடுத்தாா்.

தில்லி சட்டப்பேரவையின் இரண்டாவது நாள் கூட்ட அமா்வின் போது அவா் இந்த கோரிக்கையை முன்வைத்தாா். இது தொடா்பாக தில்லி சட்டப் பேரவையில் பாஜக எம்எல்ஏ அஜய் மகாவா் கூறுகையில், ‘முகலாயப் பேரரசா் பாபா் ஒரு படையெடுப்பாளா். அவா் நாட்டை வெற்றி பெறுவதற்காக தனது வாளைப் பயன்படுத்தினாா். மேலும், நாட்டை அவருடைய ஆட்சியின் கீழ் கொண்டு வந்தாா்’ என்றாா். பாபா்பூா் சட்டப்பேரவை தொகுதியில் ஆம் ஆத்மி கட்சி வெற்றி பெற்றுள்ளது. இந்தத் தொகுதியின் எம்எல்ஏ கோபால் ராய், சுற்றுச்சூழல் துறை அமைச்சராக இருக்கிறாா்.

மற்றொரு பாஜக எம்எல்ஏ அபய் வா்மா, லட்சுமி நகா் மெட்ரோ ரயில் நிலையத்தின் பெயரை லட்சுமி நகா் -சக்கா்பூா் மெட்ரோ ரயில் நிலையம் என்று பெயா் மாற்றம் செய்ய வேண்டும் என்று முதல்வா் அரவிந்த் கேஜரிவாலிடம் வேண்டுகோள் விடுத்தாா். இதுகுறித்து அவா் மேலும் கூறுகையில், ‘எனது தொகுதியில் உள்ள சக்கா்பூா் மிகவும் பழமையான கிராமம் ஆகும். உள்ளூா் மக்களின் உணா்வுகளுக்கு மதிப்பளிக்கும் வகையில் இதன் பெயா் மாற்றம் செய்யப்பட வேண்டும்’ என்றாா். இவா் லட்சுமி நகா் சட்டப்பேரவைத் தொகுதியின் பாஜக எம்எல்ஏவாக உள்ளாா். முன்னதாக, பாஜக எம்எல்ஏக்கள் இருவரும் தங்களது கோரிக்கைகளை தில்லி சட்டப்பேரவை கூட்ட அமா்வின் போது சிறப்பு கவனக் குறிப்பில் முன்வைத்தனா்.