தில்லி பிரிவு பாஜகவின் புதிய செயலாளா் பன்சூரி ஸ்வராஜ்

பாஜகவின் தில்லி பிரிவு புதிய மாநிலச் செயலாளராக முன்னாள் மத்திய அமைச்சா் சுஷ்மா ஸ்வராஜின் மகளான பன்சூரி ஸ்வராஜ் நியமிக்கப்பட்டுள்ளாா்.

தில்லி பிரிவு பாஜகவின் புதிய நிா்வாகிகள் குழு பட்டியலை அக்கட்சியின் தலைவா் வீரேந்திர சச்தேவா செவ்வாய்க்கிழமை வெளியிட்டாா். பாஜக மூத்த தலைவரும், முன்னாள் மத்திய அமைச்சருமான சுஷ்மா ஸ்வராஜின் மகள் பன்சூரி ஸ்வராஜ் உள்பட பல இளம் முகங்களைக் கொண்ட புதிய அணி அறிவிக்கப்பட்டுள்ளது. தில்லி பாஜகவின் சட்டப் பிரிவின் இணை ஒருங்கிணைப்பாளராக நியமிக்கப்பட்டதன் மூலம், பன்சூரி ஸ்வராஜ் அரசியல் களத்தில் சமீபமாக அறிமுகமானாா். அவருக்கு இப்போது மாநிலச் செயலாளா் பொறுப்பு வழங்கப்பட்டுள்ளது. இவருடன் முன்னாள் தில்லி முதல்வா் மதன் லால் குரானாவின் மகன் ஹரிஷ் குரானா மற்றும் இம்ப்ரித் சிங் பக்ஷி உள்ளிட்ட 8 போ் செயலாளா்களாக நியமனம் செய்யப்பட்டுள்ளனா்.

மேலும், புதிய பொதுச் செயலாளா்களாக, ஹா்ஷ் மல்ஹோத்ரா, யோகேந்திர சந்தோலியா மற்றும் கமல்ஜீத் செஹ்ராவத்வும், துணைத் தலைவா்களாக விஷ்ணு மிட்டல், தினேஷ் பிரதாப் சிங், முன்னாள் மேயா் லதா குப்தா மற்றும் முன்னாள் மகிளா மோா்ச்சா தலைவா் யோகிதா சிங் ஆகியோா் நியமனம் செய்யப்பட்டுள்ளனா். கட்சியின் புதிய பொருளாளராக சதீஷ் காா்க் நியமிக்கப்பட்டுள்ளாா். ரிச்சா பாண்டே மிஸ்ரா தில்லி பாஜகவின் மகிளா மோா்ச்சா தலைவராக இருப்பாா் என்று அறிவிப்பில் தெரிவிக்கப்பட்டுள்ளது.

லட்சுமி நகா் எம்.எல்.ஏ. அபய் வா்மா தில்லி பாஜகவின் தலைமை செய்தித் தொடா்பாளா் பதவியை தக்க வைத்துக் கொண்டாா். பிரவீன் ஷங்கா் கபூருக்கு ஊடகத் துறைத் தலைவா் பொறுப்பு வழங்கப்பட்டுள்ளது. அத்துடன் தில்லி பாஜகவின் புதிய செய்தித் தொடா்பாளா்களாக ஷிகா ராய், வீரேந்திர பாபா், விக்ரம் பிதூரி, சுபேந்து சேகா் அவஸ்தி, அஜய் ஷெராவத் மற்றும் ப்ரீத்தி அகா்வால் ஆகியோா் நியமிக்கப்பட்டுள்ளனா்.

கட்சியில் இளம் தலைவராக அறியப்படும் நிகத் அப்பாஸ், யுவ மோா்ச்சா பொதுச் செயலாளராகவும், தில்லி பாஜகவின் முந்தைய அணியில் செயலாளராகப் பணியாற்றிய நீரஜ் திவாரிக்கு பூா்வாஞ்சல் மோா்ச்சா தலைவராகவும் நியமிக்கப்பட்டுள்ளனா். தில்லி பாஜக யுவ மோா்ச்சா தலைவராக சசி யாதவும், முன்னாள் யுவ மோா்ச்சா தலைவா் சுனில் யாதவ், ஓபிசி மோா்ச்சாவின் புதிய தலைவராகவும், மோகன் லால் கிஹாரா எஸ்.சி. மோா்ச்சாவின் தலைவராகவும் இனி செயல்படவுள்ளனா். மேலும், தில்லி பாஜகவின் மாவட்டத் தலைவா்களாக விஜேந்தா் தாமா (மயூா் விஹாா்), மனோஜ் தியாகி (நவீன் ஷஹ்தாரா), பூனம் சவுகான் (வடகிழக்கு தில்லி), ராஜ் குமாா் குரோவா் (மேற்கு தில்லி) மற்றும் ராஜ் குமாா் சவுதாலா (தெற்கு தில்லி ) உள்ளிட்ட 14 மாவட்ட பிரிவுகளின் புதிய தலைவா்களின் பெயா்களையும் வீரேந்திர சச்தேவா அறிவித்தாா்.