பாஜக - ஆம் ஆத்மி ஓரே நாணயத்தின் இரு பக்கங்கள்: தீபக் பபாரியா சாடல்

பாஜகவும், ஆம் ஆத்மியும் ஒரே நாணயத்தின் இரு பக்கங்கள் என்று தில்லி பிரதேச காங்கிரஸ் கமிட்டியின் (டி.பி.சி.சி.) புதியப் பொறுப்பாளா் தீபக் பபாரியா சனிக்கிழமை விமா்சித்துள்ளாா்.

ராஜீவ் பவனில், தில்லி பிரதேச காங்கிரஸ் கமிட்டியின் புதிய பொறுப்பாளராக தீபக் பபாரியா முக்கிய நிா்வாகிகள் முன்னிலையில் பொறுப் பேற்றுக்கொண்டாா். அதன் பின்னா் டி.பி.சி.சி. தலைவா் சி.எச். அனில் குமாருடன் இணைந்து செய்தியாளா்களைச் சந்தித்தாா். அப்போது தீபக் பபாரியா கூறியதாவது :

பாஜகவும், ஆம் ஆத்மியும் ஒரே நாணயத்தின் இரு பக்கங்கள். மக்களுக்கு துரோகம் இழைத்த பாஜக மற்றும் ஆம் ஆத்மி கட்சியின் பொய்கள் மற்றும் போலித்தனத்தை அம்பலப்படுத்த தில்லி காங்கிரஸ் அனைத்து முயற்சியும் எடுக்கும்.

வெறுப்பு அரசியலுக்கு எதிரான காங்கிரஸ் மூத்த தலைவா் ராகுல் காந்தியின் போராட்டம் நாடு முழுவதும் எதிரொலித்துள்ள நிலையில், அவரது அன்பின் செய்தியை தில்லி காங்கிரஸ் வீடு வீடாக மக்களிடம் கொண்டு சோ்க்கும்.

பாஜக மற்றும் ஆம் ஆத்மியின் வெறுப்பு அரசியலுக்கு எதிராக காங்கிரஸ் அடிமட்டளவில் இனிப் போராடும். பாஜகவின் உத்தரவின் பேரில் தான் குஜராத் சட்டப் பேரவைத் தோ்தலில் காங்கிரஸின் வெற்றி வாய்ப்பைத் தகா்க்க ஆம் ஆத்மி கட்சி போட்டியிட்டது. குஜராத் சட்டமன்றத் தோ்தலில் 13 சதவீத வாக்குகளை ஆம் ஆத்மி பெற்றும், கடந்த 6 மாதங்களாக குஜராத் மக்களைப் பாா்த்து இதுவரை அரவிந்த் கேஜரிவால் கவலைப்படவில்லை என்றாா் தீபக் பபாரியா.

அடுத்ததாக தில்லி பிரதேச காங்கிரஸ் கமிட்டி தலைவா் சி.எச். அனில் குமாா் கூறியதாவது :

தில்லியை உலகத் தரம் வாய்ந்த நகரமாக மாற்றுவேன் என்று உறுதியளித்த கேஜரிவால் அரசு, காங்கிரஸ் கட்சியின் 15 ஆண்டு கால முற்போக்கு ஆட்சியின் மூலம் மேற்கொண்ட வளா்ச்சியை சொந்தம் கொண்டாடி வருகிறது. வரும் 2025-ஆம் ஆண்டு சட்டப் பேரவைத் தோ்தலில் கேஜரிவாலை ஆட்சியில் இருந்து தூக்கி எறிய ஆம் ஆத்மி கட்சியின் பொய்கள், ஊழல்கள் மற்றும் தோல்விகளை அம்பலப்படுத்த தில்லி காங்கிரஸ் உறுதியான, ஒன்றுபட்டப் போராட்டங்களை நடத்தும்.

இத்தனை ஆண்டுகளாக தனது அரசியல் லட்சியங்களை நிறைவேற்றவே கேஜரிவால் தில்லியை தொடா்ந்து புறக்கணித்து வருகிறாா். மேலும், தில்லி மக்களின் நலன் கருதி மின் கட்டண உயா்வு குறித்து விவாதிக்க முதல்வா் கேஜரிவாலிடம் நேரம் கோரப்பட்டுள்ளது.

மின் கட்டண உயா்வு என்பது மற்ற அனைத்து அத்தியாவசியப் பொருள்களின் விலை ஏற்றத்தில் ஒரு சங்கிலித் தொடரை ஏற்படுத்தும். இதனால் ஏழை, எளிய மக்கள் கடுமையாக பாதிக்கப்படுவாா்கள் என்று அனில் குமாா் தெரிவித்தாா்.