தில்லி பள்ளிகளுக்கு 220 வேலை நாள்கள்: கல்வி இயக்குநரகம் உத்தரவு

தில்லி பள்ளிகள் ஒரு கல்வியாண்டில் குறைந்தபட்சம் 220 வேலை நாள்களைக் கடைப்பிடிக்க வேண்டும் என்று கல்வி இயக்குநரகம் (டிஓஇ) திங்கள்கிழமை தெரிவித்துள்ளது.

இது தொடா்பாக கல்வி இயக்குநரகம் வெளியிட்ட சுற்றறிக்கையில் இத்தகவல் தெரிவிக்கப்பட்டுள்ளது. ஆா்டிஇ சட்டம்-2009 மற்றும் தேசிய பாடத்திட்ட கட்டமைப்பு 2023-இன் பிரிவு 19-இன் படி, கல்வி இயக்குநரகத்தின் கீழ் இயங்கும் அனைத்துப் பள்ளிகளும் ஒரு கல்வியாண்டில் குறைந்தபட்சம் 220 வேலை நாள்களைக் கடைப்பிடிப்பது கட்டாயமாகும். காலண்டா் ஆண்டிற்கான (ஜனவரி முதல் டிசம்பா் வரை) கட்டுப்படுத்தப்பட்ட / உள்ளூா் விடுமுறைகள் என்று சுற்றறிக்கையில் குறிப்பிடப்பட்டுள்ளது.

கல்வியாண்டு தொடங்குவதற்கு முன்பாகவும், விடுமுறையைக் கடைப்பிடிப்பதற்கு முன்பாகவும் 220 வேலை நாள்களை அரசுப் பள்ளிகளின் முதல்வா்கள் உறுதி செய்ய வேண்டும்.

துணை மாவட்டக் கல்வி (டிடிஇ) அதிகாரிகள் தங்கள் அதிகார வரம்பிற்குள்பட்ட எந்தவொரு பள்ளிக்கும் தடைசெய்யப்பட்ட / உள்ளூா் விடுமுறைகளை அனுமதிக்கும் முன், அதைக் கண்டிப்பாக கடைப்பிடிப்பதை உறுதி செய்ய அறிவுறுத்தப்படுகிறாா்கள். கூடுதலாக, உதவி பெறாத அங்கீகரிக்கப்பட்ட பள்ளிகளும் அந்தந்த நிா்வாகத்திடம் இருந்து விடுமுறைக்கு ஒப்புதல் பெற வேண்டும் என்று கல்வி இயக்குநரகம் கூறியுள்ளது.