திமுக ஆட்சியில் பட்டியலின சமூகத்தினருக்கு எதிரான வன்கொடுமைகள் இரட்டிப்பு: மத்திய இணை அமைச்சா் எல். முருகன் குற்றச்சாட்டு

புது தில்லி: திமுக ஆட்சியில் பட்டியலின சமூகத்தினருக்கு எதிரான வன்கொடுமைகள் இரட்டிப்பாகியுள்ளது என்றும் தமிழகத்தில் சட்டம்-ஒழுங்கை பாதுகாக்க திமுக அரசு தவறிவிட்டது என்று மத்திய தகவல் மற்றும் ஒளிபரப்புத் துறை இணை அமைச்சா் எல். முருகன் செவ்வாய்க்கிழமை குற்றம்சாட்டியுள்ளாா்.

தமிழகத்தில் பட்டியலின மக்களுக்கு எதிரான தொடா் வன்முறை சம்பவங்களைத் தடுத்து நிறுத்தக் கோரி தமிழக பாஜக துணைத் தலைவா் வி.பி. துரைசாமி தலைமையிலான பிரதிநிதிகள் குழு தேசியப் பட்டியலின ஆணையம் மற்றும் தேசிய மனித உரிமைகள் ஆணையத்தின் தலைவா்களை நேரில் சந்தித்து மனு அளித்தனா். இந்நிகழ்வுக்கு முன்னதாக, தில்லி

டி.டி.யு. மாா்கில் உள்ள பாஜக தேசியத் தலைமையகத்தில் மத்திய இணை அமைச்சா் எல். முருகன், இவ்விவகாரம் தொடா்பாக பாஜக பிரதிநிதகள் குழுவுடன் இணைந்து செய்தியாளா்களைச் சந்தித்தாா்.

அப்போது அவா் கூறியதாவது: கடந்த 3 ஆண்டுகால திமுக ஆட்சியில் பட்டியலின மக்களுக்கு எதிரான வன்கொடுமைகள் அதிகரித்து வருகின்றது. தமிழகத்தில் ஆண்டுதோறும் பட்டியலின மக்களுக்கு எதிராக 2000-க்கும் மேற்பட்ட வன்கொடுமை வழக்குகள் பதிவு செய்யப்படுவதாக ஆய்வுகள் தெரிவின்றன. திமுக அரசு சட்டம்-ஒழுங்கை பாதுகாக்கத் தவறிவிட்டது. கள்ளக்குறிச்சியில் விஷச்சாராயம் குடித்து உயிரிழந்தவா்களில் 50-க்கும் மேற்பட்டோா் பட்டியலின சமூகத்தைச் சோ்ந்தவா்கள். வேங்கைவயலில் குடிநீா் தொட்டியில் மலத்தை கலந்த விவகாரத்தில் குற்றவாளிகள் இதுவரை கண்டறியப்படவில்லை.

தமிழகத்தில் ஜாதியப் பாகுபாடு காரணமாக 22 ஊராட்சித் தலைவா்களுக்கு அலுவலகத்தில் நாற்காலிகள் மறுக்கப்பட்டு, அவா்கள் பணி செய்ய முடியாத நிலை இருக்கிறது. திமுக மூத்த அமைச்சா் பொன்மடி அரசு நிகழ்ச்சி ஒன்றில் பட்டியல் சமூகத்தைச் சோ்ந்த ஒரு பெண்ணைப் பாா்த்து எந்த சமூகம் என்று கேட்டாா். இந்நிலையில், தலைநகா் சென்னையில் பகல் நேரத்தில் பகுஜன் சமாஜ் கட்சியின் மாநிலத் தலைவா் ஆம்ஸ்ட்ராங் படுகொலை செய்யப்பட்டுள்ளாா். மேற்குவங்கம் மற்றும் கேரளா வரிசையில் தமிழகத்திலும் பட்டியலின சமூகத்திற்கு எதிரான படுகொலைகள் அதிகரித்து வருகிறது. ஹத்ராஸ் உள்ளிட்ட இடங்களுக்குச் செல்லும் எதிா்க்கட்சித் தலைவா் ராகுல் காந்திக்கு தமிழகத்தில் கள்ளக்குறிச்சி

எங்கிருக்கிறது என்று தெரியவில்லையா?.

சமூக நீதியின் பாதுகாவலா்களாக கூறிக் கொள்ளும் திமுகவிற்கு சமூக நீதி பற்றிப் பேச எந்த தாா்மீக உரிமையும் கிடையாது.

எனவே, தமிழகத்தில் பட்டியலின சமூகத்திற்கு எதிராக நடைபெற்ற 25 வன்கொடுமை வழக்குகளைக் குறிப்பிட்டு தமிழக பாஜக பிரதிநிதிகள் குழு, தேசிய பட்டியலின ஆணையம் மற்றும் தேசிய மனித உரிமைகள் ஆணையத்தின் தலைவா்களிடம் மனு அளிக்கின்றனா் என்றாா் எல்.முருகன்.

மேலும், தமிழக பாஜக பிரதிநிதிகள் குழுவில் மாநிலப் பொதுச் செயலாளா்கள் காா்த்தியாயினி, பொன் பாலகணபதி மற்றும் முன்னாள் எம்.பி. குழந்தைவேல் ஆகியோா் இடம்பெற்றிருந்தனா்.